New York Nih Covid-19 In A Thi Mi Hna Phumnak Ding Ah An Hman Mi HART ISLAND

Tulio vawlei cung ah tihnung thihnak a chuahpi cu pulrai zawtnak nih vawlei cung mi vialte cu hnangam te le nuam tein kan um ko hna lio ah khuaruah har le thinphang in an kan chiah dih. Hi zawtnak tihnung ruangah vawlei cung khua nuam bik a si tiah minthang New York hmanh hi a tu ah cun GHOST TOWN tiah COVID-19 ruang ah minsak a si i USA chung ah New York hi COVID-19 nih a phak hmasat bik nak hmun zong a si tiah an chim.

Hi kong he pehtlai in Mayor Bill de Blasio nih thawngzamh sinah a chim mi cu COVID-19 in a thi mi hna ruak phumnak ding ah tuanvo ngeitu hna nih Hart Island ah rian an tuan cuahmah lio a si tiah zong a chim. Hart Island tikulh pawng hi an chim ning ah cun ruak hlamtu a ngei lo mi hna le chungkhar nih an ruak an hlam tilo mi hna pawl an phum tawn hna nak hmun a si.

Cun Hart Island ah chimnak nawlngei tupa Jason Kersten nih a chim ve mi cu hi tikulh pawng ah hin zarhhat ah mithi ruak 25 hi cu an rak phum lengmang ko hna tiah a chim. Cun hi tikhulh hi Spain ram ah faktuk in COVID-19 nih a thah hna ah khan mithi ruak phumnak le hlonh nak ah cozah nih an rak hman ve cang mi zong a si.

Asinain hart Island cu New York City ah COVID-19 in a thi mi an tamtuk ve cang caah cu a thi mi hna cu mithi dang ruak phumnak ah phum chih ve loin a dang tein phumnak ding hmun ah an hman cang hi a si.

Laknak: Ralthuam & Tunlai Khuavel

 218 total views,  1 views today

This function has been disabled for Chin 11 News.