New Update: Pha-Kanh Mithi Ruak An Char Mi Hna A Tam Chin Lengmang

Nihin July 2, 2020, suimilam 2: 30 pm (Myanmar Time) tiangah Pha-Kanh I vawlei cimh nak ruang ah a thi mi hna ruak an char mi hi 125 an si cang tiah mithi ruak char nak ah tuanvo ngei lutlai bik a si mi U Shwe Thein nih Mizzima – News in Burmese thawngzamh sinah a chim ning a si.

Faktuk in ruah a sur mi ruang ah lunghring a kawl mi hna pawl an umnak hmun vawlei nih a cimh hnawh mi hna hi a si caah minung zeizat hi dah an thi lai ti cu fiang tein theih le hngalh khawh a si lo, asinain an ruahdomh khawh chung ning ah cun vawlei cim mi nih hin a tlawmbik ah minung 200 naktam cu a tim hnawh hna lai ti hi a si.

Mithi ruak zong hi a kawl cuahmah hna lio zong a si caah a thi mi min list hi ai dang lengmang lai, tamdeuh a kai chin lengmang ko lai tiah kan ruah ko tiin mithi ruak a kawl mi hna nih cun an chim.

Hi bantuk in chungkhar pawcawm nak ruah ah harsa ngai in rian a tuan mi hna Pha-Kanh ram chung lunghring a kawl mi hna hi vawlei nih a cimh hnawh lengmang hna ruang ah a thi mi le ruak hmuh thai lo mi zong an tamtuk hringhran ko cang.

Source: Mizzima – News in Burmese

 158 total views,  1 views today

This function has been disabled for Chin 11 News.