Nawi Nelrawn Ah Lo Le Lei A Ngeitu Hna Cung Ah Acozah Lei Biachim Hi Lung Afak Taktak

Nawi dam ser nak kong ah Lei le lo ngei tu pu Ro cung bia ruah

Chin cozah nih Hakha khua thar i a um mi Nawi dam ser nak kong caah Nawi hmun ah Lei le Lo ngei tu inn 14 hna cu Hluttaw in voi 3 tiang an uah hna i bia ruah nak an ngei. Nan Lei le Lo hi DAM kan ser lai i erce pakhat ah ting 15 in pek tawn a si ko nain nan paw cawm nak a si caah erce pa 1 ah ting 50 kan in pek hna lai an ti.

Asinain Lei ngeitu lei nih sipuaizi kan tuah nak hmun a si lo kan paw cawm nak bak a si caah kan duh lo an ti hna. Cozah lei nih nan duh zawng duh lo zawng ah kan tuah ding a si ko caah vawlei liam man tu hi i thim ulaw a tha deuh an ti hna.

Lo le Lei ngei a si mu Pu Ro Cung nih hi kong ah hin Vawlei man cu cozah nih erce pa 1ah ting 50 in kan i liamh hna lai an ti mi hi kan zum hna lo. Cun zeitik hmanh ah kan Lei le Lo hi DAM tuah nak ah kan pe hna lai lo.

Laimi cu Pathian a zum mi kan si i Pathian nih a khaan te ko lai. Pathian nih a khaan lo le mi nung nih kan khan a hau te ko lai. Cun hi kan paw cawm nak Lei le Lo kong ah hin cun thisen chuah a herh ah cun a herh ning in kan colh caang ve lai tiah CBN ah a chim.

Source: CBN