Nau Pawi Mi Hna Nih Zeiruang Ahdah Ngasa Hi Nan Ei Lengmang Awk A Si

Hi kong hi cu nu a si mi paoh le fa ka ngei ve ko lai a ti mi paoh nih cun theih awk ah a tlak ngaingai mi a si. Meh vialte lakah ngasa a duh mi hringtu nu pawl hi mi vantha taktak an rak si hna a ruang cu nu nih nau a pawi lio ah ngasa tamdeuh a ei ah cun a fa cu midang fa nak in a fimthiam nak le theihhngalh nak ah an I chuahpi mi a sang deuh tiah doctor te nih an chim.

Siibawi minthang tampi hna nih nau pawi lio mi nu tampi hna cu an rawl ei ning kong ah felfai tein research an tuah hna hnuah nau an hun ngeih mi an fale cu an ngandam nak le an fimthiam nak an chekhlai tik ah hna ngasa a ei lengmang mi nu pawl I an fale hi nihrin tluak le chuahpi mi fimthiam nak ah cun an rak tha deuh hrimhrim tiah an fehter.

Cu ruang ah nau a pawi lio mi nu hna nih ngasa hi duhdim tein an ei lengmang awk hi a si I fanu le fapa zawnruah nak taktak a ngei mi hna nih cun fale caah a tha ding mi, kanmah nih kan duh theng lemlo mi zong hi kan I hnek ngaingai a hau tiah zong researcher pawl nih cun an chim.

Nu pakhat nih nau a pawi chung ah zarkhat ah voikhat tal hi cu ngasa a ei lengmang a si ah cun a chungchuak fa cu chuahpi mi fimthiam nak ah midang nak nih a sang deuh hrimhrim lai. Fa ka ngei ve lai I ka fa cu fimthiam nak ah midang nak in sang deuh ko seh ti a duh mi nu nih cun nau pawi lio ah ngasa tampi ei ding a si ko cang.

 449 total views,  1 views today

This function has been disabled for Chin 11 News.