Nangmah An Dawtu Taktak Cu Hringtu Na Nu Le Pa Lawnglawng Hi An Si Ko

Minung tampi hna cu dawtnak ruangah an ruah ning hi a pial sual tawn lengmang caah cuahsemnak hringtu nu le pa nak hmanh in midang nih an ka dawt deuh ko rua tiah a ruat mi hi an tampi ve. Nungak tlangval nih voitam pi kan I palh tawn lengmang mi cu an nu le pa nak hmanh in ka nungak le kan tlangval nih an kan dawtdeuh ko hlah maw tiah a chim mi hi kan um theu tawn.

Nangmah an dawtu taktak cu hringtu na nu le pa kha an si ko, na duhnak an zul lengmang tu cu hringtu na le pa thiamthiam kha an si ko ti hi philh awk a tha lo mi a si. Zeitik hmanh ah lungfak le ngaihchia in umter an sianglo tu cu nangmah an hringtu na nu le pa lawnglawng kha an si. Na hawikom nih cun na ngaih an chiat ter caan a tampi lai I na lung an fahter caan zong a tampi ko lai.

Zeitik hmanh ah lamping ah an pialter lo tu cu na nu le na pa kha an si I na caah a tha bik lam an hmuhsak lengmang tu cu hringtu na nu le pa lawnglawng kha an si. Zeitluk indah hawikom tha lo nih mitah nunzia a hrawh ti kha voitam pi na theih ko khah.

Na herh mi poah tlamtling khawh chung in tuahpiak ai zuam lengmang mi hna zong hi na nu le pa lawnglawng an si. Palh nak na tuah tik le thil thalo na ton caan ah an cawnpiak tu le an chimhrin tu cu hringtu na nu le pa kha an si ko lai. Cun a biapi bik mi cu nangmah an dawtu taktak cu hi vawlei ah hin cun hringtu na nu le pa nak in midang an um lo ti hi na theih le na hngalh peng ding ah a biapi mi a si.

Crd: ChinEleven Tialtu

 555 total views,  1 views today

This function has been disabled for Chin 11 News.