Nancy Pelosi Le Joe Biden Te Pawl Hi An Ning A Zak Hrimhrim Lai!

Ruch Chuk Cho :- Joe Biden le a nupi, Jill Biden tuchun ah Pfizer nih an serchuah mi, Covid-19 khamhnak sii vaccine cu tuchun ah an i chun i, LIVE in an thlah hna. President Donald Trump nih kum khat tlin hlan chuahmi sii cu ichunh ngam a si lai lo, a safe lai lo, kan him lai lo tiah Democrats hruaitu cheukhat pawl nih media ah President Donald Trump cu a phunphun in an rak soisel. President Trump nih kum khat tlin hlan ah vaccine cu a chuahter taktak hna.

UK, le Bahrain nih PFizer serhchuah mi si cu approve an tuah nain FDA nih approve an tuah duh zau lo caah President Trump nih FDA commissioner Dr Stephen Hahn cu approve na tuah lo ahcun na rian in na chuah hau lai” tiah warning a pek hmu ceo ah FDA nih approve an tuah. President Donald Trump chan chuahmi Covid 19 khamhnak sii chunh a duh lomi le a ttih bikmi Pi chur Nancy Pelosi nih hawi hlan bik ah a van i chun, a changtu ah Joe Biden le an nu nih an i chun ve. An lungthli tein cun an ningzak pah theo lai.

House Speaker Nancy Pelosi (D-CA) receives a Covid-19 vaccination shot by doctor Brian Monahan, attending physician Congress of the United States in her office on Capitol Hill in Washington, DC on December 18, 2020. (Photo by Anna Moneymaker / POOL / AFP) (Photo by ANNA MONEYMAKER/POOL/AFP via Getty Images)

President Donald Trump nih Election hlan ah Coronavirus relief bill 1.4 trillion tiang pek dingah Republcian pawl he lungtlinnak an ngei i democrats pawl cu deal an tuah hna nain Nancy Pelosi nih a rak duh naisai lo. Asinain election a dih hnu tu ahcun $900 billion te cu fawi tuk in a pom fawn. News media pawl nih mah kong cu an hal i, Pelosi nih a chim duh naisai lo, a theihter duh lo, a leh hrimhrim a let duh hna lo. A fiangmi cu Democrats pawl nih Coronavirus cu President Trump le Republican party dohnak hriamnam caah an rak hman timi hi a dik bakmi a si tiah ka ruah. Catialtu: Salai Lairamthang