Na Dirhmun Kha Rak Thleng Law Voikhat Tein Rak Ruat Than Ve Ta Ko Hmanh A Hman Na Ti Ve Ko Lai

Kan sining le dirhmun ai khat hna lo caah le ka lungput le ruahning ai khah hna lo ruangah midang palhnak le thatlo nak hi kan hmuh khawh lengmang caah na dirhmun kha na lungthin chungah voikhat tein rak i thleng law rak ruat ta ve ko tuah.

Zalam cung ah kan kal cuahmah lio ah mawtaw nih an kan hnorsuan ah cun mawtaw a mong tupa cu sual kan phawt i na ralring lo tuk tiah kan ti tawn asinain kanmah pumpak nih mawtaw kan hun mongh ve tikah cun lamcung ah a kal cuahmah ve mi hna kha zeiruang ah mawtaw lamcung in na kal tiah sual kan phawt ve than hna.

Midang sinah hlawhfa in rian kan rak tuan lio ah khan cun kan rian ngeitu pa (kan boss) hi a sualtuk, a ziachia tuk tiah kan soisel lengmang asinain kanmah pumpak in rian ngeitu dirhmun kan hunphak ve tikah cun kan riantuan tu pawl hi teimaak nak le zaang hlei cawi duhnak lungthin an ngeilo tiah sual kan phawt than hna.

Dawr ngeitu sinah thil cawk ding in kan kal tikah a thil manfak tuk hakkauh nak nih a teituk tiah kan soisel ngai nain dawr ngeitu kan hun si ve taktak tikah cun thil an kan caw tu pawl hna cu thil man det an thawngtuk tiah kan soisel than hoi hna.

Kanmah an kan tanh mi uktu le cozah an si lo paoh ah cun mi sin kip ah an that lonak le an palh nak lawng kan chim lengmang nain kanmah cung ah uktu le nawl ngeih nak an kan pek tikah cun midang nih tlawmpal te kan kong an ceih hmanh ah kan ngaithiam kho hna lo.

A taktak le a ngaingai ti ah cun kan dihlak in a palh mi kan si hna lo, kan dirhmun le ka sining ai khat hna lo, kan lungput le ruahnak ai khah hna lo caah kan ruahnak le ka lungput hi voikhat tein thleng usihlaw pakhat le pakhat kan i theithiam dih ko hnga.

Credit: Aung Ko Latt

 189 total views,  1 views today

This function has been disabled for Chin 11 News.