N. Korea le S.Korea Karlak Ah Kahdoh Nak A Chuak

Tuchun May 3, 2020 zinglei ah khan N.Korea le S.Korea ralkap karlak ah fak ngai in kahdoh nak a chuak tiah theih a si. Hi kahdoh nak a chuahnak hmun hi N.Korea le S.Korea ramri ah a um mi hna ralkap pawl karlak ah a cang mi a si I ramri ah a um mi hna ralkap pawl cu fak ngai in an I kap hna tiah thawngthanh nak an tuah hi a si.

Korea hruaitu Kim Jong-Un zarthum hrawng a thawngpang zeihmanh theih a si lo hnuin a rak chuah than ah khan sehzung phonpuai tuahnak ah a rak chuah mi kong ah khan S. Korea media pawl nih thawngzamh an chuah mi kong ah ram hnih karlak I hmuhthiam lonak fakngai in a chuahter tiah theih a si.

Hi an I kahnak caan hi Korea time zinglei nazi 7:41 ah khan N. Korea ramri ah a um mi ralkap sakhan pawl cu S. Korea ralkap nih voi tamtuk an rak kah hna hnuah N. Korea nih an lehrulh ve hna hi a si tiah N. Korea thawngzamh pakhat nih cun a langhter.

Korea hruaitu Kim Jong-Un ngandam nak kong le sehzung phonpuai lio ah ribbon a tannak kong kha S. Korea acozah thawngzamh pakhat nih May 2 ah khan a sining tein thawngzamh a tial mi ruang ah ram hnih karlak hmuhthiam lonak fak ngai in a chuah ter mi ruang ah hi kahdoh nak hi a chuah mi a si tiah zong an langhter.

Hi an I kah nak kong he pehtlai in a thi mi le hliamtuar mi an um le um lo cu theih a si lo. N. Korea le S. Korea hi 1950-53 kahdoh nak a dih hnuin kandaih nak minthut a tuah cang mi an si ko nain hi bantuk in kahdoh nak an tuah than hi cu an caah a donghnak bik an biachah mi a si kho tiah zumh a si.

Ref: Bamakhit

 215 total views,  1 views today

This function has been disabled for Chin 11 News.