Myo Gyi Le A Nupi Nih Kawlram Covid-19 Mizaw Pawl Caah Thil Tha Tuk An Tuah

Hlasak thiam minthang Myo Gyi le a nupi hi uar an um tuk hringhran ko e. Zeitluk indah midang cungah dawtnak an ngeih ti cu hi ti hin an hun langhter than cang.

Singer myo Gyi le a nupi Lung Lung Lwine cu Kawlram chung Covid-19 mizaw pawl zohkhanh nak ah le an damnak ah santlai a si lai ti an ruah caah an thisen thiang cu tuchun ah khan a voihnih nak an hlut than rih tiah IRON CROSS-Myanmar Page nih a rak langhter ning a si.

Myo Gyi le a nupi Lung Lung Lwine zong hi Covid-19 in a rak zaw ve mi an si nain a damthan cang mi an si caah an thisen hi Covid-19 rungrul kham khawh nak thazaang a ngei mi a si. Myo Gyi le a nupi nih an hlut mi an thisen thiang nih hin mizaw zong a damh khawh hna lai tiah ruahchan nak zong an ngeih mi a si caah mipi nih an thangthat tuk hringhran hna.

Hi bantuk in Covid-19 zawtnak a rak ngei bal ko cang nain a damthan mi hna pawl an thisen hi Covid-19 in a zaw cuahmah mi hna damh khawh nak ding ah santlai le bawmchan tu tha ngai a si lai tiah zong mi tampi nih an zumh cio.

Source: IRON CROSS-Myanmar Page

 211 total views,  1 views today

This function has been disabled for Chin 11 News.