Mynamr Idol Ai Hruh Pi Chih Cangmi US Chin Khrihfabu Cheukhat

Myanmar Idol ai hruk pi chih cangmi US Chin Khrihfabu cheukhat hi zeitindah an si hnga? Zeitindah nan ruah cio. Khrihfabu bak in Biakinn chung ah nuam taktak in Myanmar Idol cu drama in an piah. Myanmar Idol nawl an cawng. Biakinn chung ah Myanmar Idol ai zuammi pawl nih an sak mi hla kha an chuah huar ko.

An chuah mi hla kha ram hla a si le, Pathian hla a si le love song a si hna khi an thei hnga lo maw ti hna ruah awk a um ngia. Mifim umnak ram, US cu thil a theimi le mifim umnak ram kan ti le Laitlang khuate kilkawi hmanh nih an tuah duh lem lomi Myanmar Idol cu Biakinn chung bak an US Khrifabu zeimawzat nih an tuah ko teh. Khuaruahhar a si.

Biakinn timi zong hi kan i fian a hau. Khrihfabu nih thlacamnak te le Pathian sin pekchanhnak te he luhnak kan rak tuah khawh. Biakinn chung zeibantuk poh hi tuah phung a si bal lo. Hall sawhsawh bantuk ah kan ruah awk a si lo. Khrihfa Biaknak he ai pehtlai lem lomi nuamhnak phun pawl hi Biakinn chung ah kan tuah awk a si lo.

Zei dang drama piah awk maw an theih hnga lo i zeidang capo seih awk maw an theih hnga lo. Myanmar Idol ngelcel le an sakmi hla Biakinn chung in tur bung an chuah mi khi zeitluk in dah kan dirhmun a si timi a langhter tuk. Myanmar Idol hi pumpak nih kan i hruh pi chih sual zong ah a poi tuk lem lo. Khrihfabu ning piin i molh pi chih hi cu a poi deuh ko cang.

 

 438 total views,  1 views today

This function has been disabled for Chin 11 News.