Myanmar-Thailand Ramri Ah Meithal Le Bomb Pawl An Tleih Mi A Tam Ning Cu

Tuchun June 23 ah khan Myanmar-Thailand ramri, Myiah-Oo-Hti in kilomiter 5 hrawng a hlatnak hmun Mea-Soh i inn pakhat ah ralkap hriamnam pawl a si i meithal, kuan le bomb pawl tam taktak cu Thailang ramri hngak ralkap pawl nih an rak tleih hna.

Mea-Soh hna a thlithup in ralkap hriamnam a rak luhpi mi an um timi thawngtheih in Thailand ramri hngak ralkap le police sinah thawngthanh nak a rak um mi ruang ah ramri hngak ralkap le police nih inn an chek mi ah an hmuh mi hi a si i ralkap nih an hman ding a si mi meithal a tha phun le bomb, kuan tampi zong an rak tleih hi a si.

Hi hriamnam na tleih mi he pehtlaih nak a ngei ko tiah an ruah mi hna minung pahnih zong an tleih chih hna i biahman an chim hlan chung poh cu hren peng ding an si lai tiah an chim. Hi meithal le bomb an tleih mi hna pawl hi Karen hriamtlai sinah pek ding in an rak phurh mi a si tiah thawng an theih ning cu a si.

Thailand-Myanmar ramri hrawng hi phungning loin riitsii a phur mi hna le hriamnam a phur mi hna pawl Thailand ramri hngak ralkap pawl nih an tleih lengmang hna nak hmun zong a si ko nain tutan ah an tleih mi meithal le bomb pawl hi cu voidang an rak tleih mi nak in a tamtuk tuk mi le a tha deuh tuk mi zong an si hna.

DVB

 292 total views,  1 views today

This function has been disabled for Chin 11 News.