Myanmar Ram Nih Cozah Ralkap A Ngei Lo

Myanmar ram ramkheel um tu ning hi ning le cang (Systematic) te in a kal lo. a hnok taktak mi politics a si. pula tawn bak in aa tawn mi a si. Ramdang ahcun Cozah tang ah ralkap siseh an nawl ngaihnak vialte a um dih. Cozah nih ram humhimnak kong ah a tha bik in biachahnak a tuah hnu ah Ralkap nih a herh ning in tuanvo lak a si. Democrac ram ahcun Cozah nawl lo in meithal zunkaht zong puah ngah lo.

Kan nih ram ahcun Cozah cu an ser ve nain ralkap kut ah nawl ngeihnak a tam deuh. Cozah nawlngaihnak kha biapi ah an chia lo. miphun dothlenak ah tiah rian a tuan mi cung zong ah anmah nawl in meithal an puah peng ko.

Van tuak hmanh usih, Myanmar ram nih cozah ralkap a ngei maw ngei lo. Tahchunnak in atu tiang ahcun NLD nih Cozah a tlaih. NLD nawl pek nak um le um lo kha biapi ah an chia lo I an duh ning in khua an sa, tuah an duh mi cu anmah nawl in an tuah ko. Cozah nawl pek kha biapi ah an chia. Cozah kut tang ah an um duh lo. asinain ralkap cu Cozah ralkap tiah kawh peng an si. Cozah ralkap an si ahcun NLD Cozah nawl ngaihnak tang ah a cawl cang ding an si. Cozah kut tang le nawl ngaihnak tang ah an um duh lo ahcun Cozah ralkap an si lo. Hriamtlai pakhat bak an si ve tinak a si ko.

Kan lai holh ah ralkap kan rak kawh hna ning kha sullam a ngei ngai tiah ka ruah mi cu, “kawl ralkap” tiah kan rak ti hna. “Kawl ralkap” ti cu Ramipi cozah si loin kawl miphun ca lawng ah hriamnam aa put mi khi a sawh duh ngai.

Cucaah kawl ralkap kan ti mi hna hi ka uar ngai. Myanmar ram nih kan ngeih mi hna ralkap le Myanmar ram cozah ralkap si loin kawl miphun ralkap tu an si deuh. asullam cu Tlangcung hriamthlai pakkhi an si ve ko tiknak a si hnga.

A ruang cu Myanmar ram aiawh in a dir mi ralkap, Cozah nih a ngeih mi ralkap an si ahcun Cozah khuakhannak kha an zulh I cozah nawl lawng in an cawlcangh ding a si ve. Cozah nawl an ngaih tung loahcun Cozah hriamnam le cozah ralkap an si kho lo.

Cucaah mipi nih kan I fian ding tiah ka ruah mi cu, kan ram cozah nih mipi a rungveng kho tu Cozah ralkap asiloah mipi ralkap cu an si kho bak lo. Hihi ramkheel mit in zoh ahcun Cozah ralkap an si kho lo I kan ram Cozah nih ralkap a ngei lo ti khawh a si.

By: Rolian

 247 total views,  1 views today

This function has been disabled for Chin 11 News.