Myanmar Ram Cu A Zualhma Ngai Cang, Covid-19 Mizaw 70 An Hmuh Chap

Ralring taktak in um ko cang hna usih. An karh ning a rangtuk hringhran cang. Tuzing ah ngandam nak leinih thawngthanh nak an tuah mi hrim hi cu thinphang ngai a si ko.

Myanmar ram ah Covid-19 mizaw 70 an hmuh chap. August 26 zingka nazi 8:00 ah Ministry of Health and Sports thawngthanhnak ah Covid-19 mizaw 70 cu hmuh chap an si tiah theih asi.

August zarh hnihnak chung ah Sittwe i Bank riant̀£uan tu pakhat si ah Covid-19 an hmuh i cu thok in dothlat le pehtlainak a ngeimi pohpoh test an tuah thluahmah hna tik ah tu bantuk in Covid-19 zawtnak ngeitu pawl an hun hmuh chap hi asi.

August 24 zaan ah Covid-19 positive asi mi 30 an hmuh dih hnu ah atu bantuk in 70 an hmuh chap hi asi. Myanmar ram caah cun atu an hmuh mi hi nikhat ah tambik an hmuh zong asi. August thla chung ah Covid-19 positive minung 100 leng an hmuh cang.

Thlakhat chung ah minung 100 leng sinin zawtnak rungrul hmuh a si cang tikah Hakha, Thantlang khuachung ah a um mi hna zong nih ralring tein um ko hna usih. Kan pawngkam ah ah zawtnak rungrul a ngei mi hna an karh ngai cang caah daithlang bak hna hlah usih.

Source: CCN

 160 total views,  1 views today

This function has been disabled for Chin 11 News.