Myanmar + Rakhine Nih An Pen Mi Chin Ram Le Chin Miphun

Chin miphun nih kan ngeih mi le kan vawlei a si mi Chin ram chung ah hin Myanmar Tatmadaw le Rakhine Ralkap pawl hna cu an duh ning paoh in le an duh caan paoh ah luh chuah nak nawl an ngei kho. Asinain Chin miphun kan ralkap a si mi hna CAN tu cu kan vawlei cia ah ri khiah piak mi hmunhma dah ti lo cu khuazei leng hmanh chuah nak nawl an ngeih lo mi hi Chin miphun kan hruh tuk ruang ah a si. Hi kong hmanh ah ninzah a ngal lo mi hi Chin miphun lawng kan si rih hna.

Chin ram hi Chin miphun nih kanmah tein kan I ngeih khawh nak hnga ding le kan I pen khawh nak hnga ding ah cun Chin miphun dihlak lungkhat lungrual tein kan dir tti caan le aw khat tein kan au tti caan a si cang. Chin ram hi Chin miphun nih kanmah tein an I pen khawh nak hnga ding ah cun :

1.  Chin miphun kan ralkap asi mi hna CAN thazaang kan tthawn ter a herh.

2. Chin party thazaang kan tthawn ter a si.

3. Chin Media thazaang a tthawn a herh.

4. Chin mino bu thazaang tthawn a herh.

5. Chin mino vialte nih ramkhel kong kan cawn le ramkhel lei theih hngalh nak tampi kan ngeih a zong a herh.

Cu hnu lawng ah pei Chin ram cu Chin miphun nih kanmah tein kan I pen khawh lai I khuakhan lairel nak nawl kan ngeih khawh lai cu .

Source: Chin Nations Hero

 178 total views,  1 views today

This function has been disabled for Chin 11 News.