Myanmar President Zung Nih Pha-Kanh Thihnak Kong Hlathlai Dingin Cathanh A Chuah Mi Ah Fak Tuk In An I Palh

Pha-kanh thih lo nak kong hi cu nizan in nihin chun nitlak kan theih dih cikcek ko cang caah zeidah a cang ti hi cu tial nawlh than lengmang a herh ti lo. Hi kong he pehtlai in Myanmar ramchung cozah hna zong an si khawh chung in cawlcangh an I zuam ve hna.

Bawmhnak zong an pek hna tiah zinglei ah khan thawngzamh nih an langhter cang. Tunai teah khan Myanmar President Office nih anmah page bakah President seal cumh mi he cathanh an chuah ve. Cu cathanh an chuah mi ah cun fak ngai in an I palh caah comment ah an thah deng ve hna.

A tu ah thihloh nak a cannak hmun hi Kachin ramchung, Pha-Kanh myohne I Sai Taung @Seih Moe ah a si. Asinain Myanmar President Office nih President seal he official tein cathanh an chuah mi ah fak ngai in a hmunhma an I palh. President zung nih cun daitlang ngai in Kachin ram, Pha-Kanh myohne, Lung Khin ah vawlei minh nak kong hlathlai nak kan tuah lai tiah an rak langhter hi a si.

Hlathlai nak an tuah ding ah hin zeitindah vawlei hi a cimh, hi kong ah a hodah tuanvo ngei le hmunhma ngeitu a si, phungning in riantuan nak pek mi an si maw si lo ti mi le a thi mi hna le hliam tuar mi hna chungkhar vialte hlathlai ding in an timh hi a si. A chung ah min list pawl um lai.

 126 total views,  1 views today

This function has been disabled for Chin 11 News.