Myanmar Phunghram Zohfelnak, Myanmar Ramchung Ah Cozah Pahnih An Um

Myanmar ram Federal le rallo ah kan rak buai ngai, buai ding zong a si. 2008 Myanmar Constitution hi Ralkap general hna nih kum 15 leng draft (acian) in an rak ttialmi kha mipi an hleng i hramhram in rak fehtermi a si, Vawleicung Democracy ramdang Constituition kalning lo tuk in article hmaisa le article hmahnung ttialmi aa nawnnawk mi zong a tam.

FEDERALISM cu Democracy nih kenkawi chihmi a si, Democracy um lo in Federalism khawh a si loh.

2008 phunghrampi hi zoh hmanh u sih,

Article 261 (b) ah “President nih State le Region Chief Minister hna a ruat lai”, hi Article hi remh sihmanhsehlaw Federal Democracy ram kan si hlei lai loh. Democracy ram tluantling siding cun Article 261 remh lawng silo in Article tampi remh le hlawt (phiat) a haumi a um.

Kan nih Khrihfami hna ca lebang ah cun Article 361 le Article 362 hi zoh hmanh uh, biaknak i tluktlaannak a um lo i, Biaknak zalawnnak ram (Secular Nation) a siloh ti kha hmuhkhawh a si, Hi Article hi Biaknak thleidannak ngeimi phunghram a si.

Article 361 ah “Rampi (Union) nih Buddha biaknak (Buddhism) cu special dirhmun le a ropui bik, rammi tam bik nih an biakmi biaknak ah a cohlan” ti bak a si. (special position of Buddhism as the faith profess by the great majority of the citizens of the Union).

Article 362 ah “Rampi (Union) nih cun phunghram (constituition) nih bia a caih ni thawk in (at the day of the coming into operation of this constitution) a ramchung ah a um ve mi Christianity, Islam, Hinduism le Animism hna Zong ramchung ah Biaknak a um mi ah a cohlan ve tthiam” (ALSO RECOGNIZES) (VE TTHIAM).

“Biaknak um ve mi ah a cohlan ‘ve tthiam’ (Also recognizes) (fang fang kan ti lai ma men men kan ti lai dah)khi a si. Pyidaungsu Hluttaw i MP 45 thimmi hna nih 2008 Constituition remhding Hluttaw (Parliament) ah 1,200 leng an chuahpi khah!

A ngaite tiko lo cu NLD party nih remh an duh bikmi section 59 hi NLD lila nih remh taktak an phang ziar men lai dah! A ruang : Section 59 ah hin ramdangmi sinak Identity a ngeimi kha President ah thim a ngah lo. Sec 59 hi remh hei siseh law Ramdangmi sinak Identity a ngeimi Suu Kyi hi President ah thim khawh a hei si hnga, cu ti a si ah cun Ramdangmi Myamar mi sinak Identity a ngeimi zong kha President ah ai candidate kho ve lai tinak a si.

Constituition Chapter VII Article 338 ah cun “ramchung hriamtlai vialte (ralkap le palik) hna cu Ralkap kut tang/nawlngeihnak tang ah an um dih lai” ti a si, Article 20(c) ah “hriamtlai vialte lak ah Commander in Chief a bawibik lai” ti a si tthan, a sullam cu mipi nih an thimmi cozah le President nih ralkap le palik cung ah nawl an ngei loh tinak a si.

Myanmar Independant kum 12 chung ah khan Myanmar ram hi Asia ah Top 3 ah a lang, China, India, Myanmar hna hi level pakhat ah ruah a rak si, Myanmar hi kum 1962 hlan Democracy bantuk khan kalpeng seh law cu a tu ah cun Japan an lonh canglai tiah ttialmi ka rel bal.

*Chimding a tampi, Post pakhat ah a sautuk sual lai hi vial hin za rih seh, kan peh tthan te lai*

Catialtu: Doris RualThanga Thangtea TL

 130 total views,  1 views today

This function has been disabled for Chin 11 News.