Myanmar MMA Minthang Aung La N Sang Le Reinier de Ridder An Thuat Ding Ni A Fiang Cang

Kawlram MMA minthang Aung La N Sang le Netherlands rampi Reinier de Ridder hna cu An i thua lai an thanh i, 2020 , October 30 ah a si lai tiah nawl neitu hna nih an chim. A tu an i thuat ding ning hi Aung La N Sang he Midddleweight Champion Taisawmh humhim nak le Reinner nih hi taisawmh hi lakpiak a timh nak a si i a mak lawlaw ko lai.

ONE Championship i an tawlrel nak in October 30 ah Inside The Matrix min in zuamnak puai an tuah mi a si i, vulei cung Champion pawl Puai 4 bak an i ngiarnak a si lai i, hi ah hin Aung La N Sang le Reinier zong an i tel ve lai.

Covid -19 ruangah ONE Championship zong i thut nak an tuah kho lo i, a tu hi a voi khatnak ding a si tiah an chim.Aung La N Sang cu world Middleweight Champion 2019 March thla i teinak a hmuh hnu khan a tu hi a voikhatnak ding a thuat a si lai. Voithum 3 taisawmh a ven khawhcang i, tutan a voi 4 nak teh a ven kho te hnga dek maw, a sung cang lai tiah a ti tu an um pah len.

Reinier hi voi 12 mi a tei cang i, a tuanbia a dawh ngai mi a si, an puai cu a ngan ngai lai tiah theih a si, Aung La N Sang Zong cu 2019 October thla khan Phillipines ram mi Brandon Vera he an rak i thua i a rak tei cang. Aung LA N Sang hi ONE championship i Middleweight le Linght Ah Chanpion a si i, tutan tah a taisawmh hi a veng kho te hnga dek maw, ti hi cu October 30 ah a fiang lai.