Myanmar Idol Season 4 Ah Ai Zuam Ve Mi Nay Lin Kyaw Cu Kum 10 In Nunchung Thongthlak Khawh A Si

Myanmar Idol season 4 hlasak zuamnak ah ai talve i mipi zong nih biatak tein thazaang an pek mi le an uar ngai mi Top 11 tiang a phan kho mi singer Nay Lin Kyaw cu pohmah 377 in Daw Pung myohne palek sakhan ah an hren lio pi a si ko tiah thawngzamh nih an langhter.

Nay Lin Kyaw hi Daw Pung myoh palek sakhan August 25 ah khan an rak hren cang mi zong a si i nu pakhat nih a ka tlaihhrem ko tiah report nak a rak tuah mi ruang ah an tlaih nak hi a si. Nay Lin Kyaw cu September 4 ah a voikhat nak biaceih zung ah chuah pi a si lai tiah Daw Pung palek sakhan nih BBC thawngzamh sin ah an chim ning a si.

“Daw Pung biaceih zung hi a luancia zarhhnih hrawng ah khan a thar in an remh than lio a si. Cu ruang ah tulio hi cu biaceih zung zong an khar lio a si caah September 4 ah Nay Lin Kyaw cu avoikhat nak biaceih zung chuahpi ding in an ti nak hi a si” tiah palek nih cun an chim hi a si.

Nay Lin Kyaw hi pohmah 377 in tlaihhrem case le tlaihhrem laiah tukvelh case in an tlaih mi a si caah case hi a hman ning tein a kal ko a si ah cun a nun chung vialte thongthlak khawh nak, asiloah a tlawmbik kum 10 thongthlak hnuah tangka ceilak liamter zong a si rih lai tiah case tlaitu lei nih an chim.

Source: Popolay

 164 total views,  1 views today

This function has been disabled for Chin 11 News.