Myanmar Actress Hla Inzali Tint Nih A Sunglawi Taktak Mi Bomhchanh Nak A Pek Mi Nu

Caankhat lio ah cun muidawh pumrua that leiin Kawlram chung a rak chinsai kho I minthang taktak a rak si ve mi actress Hla Inzali Tint cu nihin tiang hmanh ah ai dawhnak hi a ziam kho rih lo tiah mipi tampi nih thazaang an epk cuahmah lio mi a si. Actress Hla Inzali Tint hi zukcawl riantuan nak in I din cang ko hmanhsehlaw mi lungthin tha a si pinah a nunzia dawh nak nih mipi a hip khawh tuk hna caah nihin ni tiang zong ah thazaang a petu hi an tamtuk ve rih hringhran hna.

Actress Hla Inzali Tint hi zuksin riantuan nak in ai dinh hnu ah Shwe Inzali Restaurant a dirh mi a si I cu rawl dawr zong cu minthang ngai mi a hung si. Actress Hla Inzali Tint cu kan hnu thla February 29, kum 4 hnu ah voikhat lawng a um mi ni ah khan rawl dawr a tuah mi chung in a hmuh mi phaisa in a mit pakhat a tha lo mi nu cu mit pakhat a cawk piak I a hlut hi a si.

Cu kong he pehtlai in actress Hla Inzali Tint nih a tial chih mi cu “kan hngakchiat lio I sianginn kan rak kai lio ah khan kan saya/mah te nih “fill in the blank” tiah an rak kan ti tawn kha a tu tiang ka philh kho lo. Cu ruang ah midang harsat nak zawn le an chanbau nak zawn teah ka si khawh tawk in ka bomhchanh khawh mi hna hi ka caah cun a nganbik mi lunglawmh nak a si ko” tiah zong in a facebook ah a tial chih hi a si.

Source – Hla Inzali Tint

 272 total views,  2 views today

This function has been disabled for Chin 11 News.