Myanmar Acozah Nih Pha-Kanh Thihnak A Tong Mi Hna Tangka Tam Ngai A Bawmh Hna

Pha-Kanh ah lei minh nak ruang I thihnak a tong mi hna caah Myanmar Government nih tuchun ah khan tangka in bawmhnak a pek hna tiah thawngthanh nak an tuah. Thihnak a tong mi hna chungkhar pawl le hliamhma tuar buin an chanh chuah mi hna caah bawmhnak hi an pek mi hna a si I pyine acozah nih Ks tingg 500, rian ngeitu hna le dawtnak in bawmhnak a pe mi hna chung in Ks ting 600, adih lak in Ks ting 1100 hi bawmhnak an pek cang mi hna a si.

Cun Myanmar acozah zung leiin thihnak a tong mi hna chungkhar cio sinah Ks ting 3 cio le hliamhma he an chanh chuah mi hna chungkhar cio sin ah Ks 50000 cio bawmhnak an pek hna tiah Myanmar ramchung kokek rawhral nak lei ah lutlai tu a si mi Dr. Ko Ko Nain nih Myanmar Harp sin ah a chim hi a si.

“Thihnak a tong mi hna chungkhar pawl hi a si khawh chung in hlat hlai le hngalh khawh kan I zuam hna, a rannak in kan theih hngalh khawh nak hnga ding ah peng khulh cung zung kip le pawngkam mi he hmunkhat ah kan I bawm cio hna” tiah Dr. Ko Ko Nain nih cun a chim.

Mithi ruak an hmuh cang mi hna hi 160 tiang cu felfai tein rel khawh mi hna an si, kan hmuh rih lo mi hna zong an um lai tiah kan zumh caah kan kawl cuahmah rih ko hna lai tiah meithat zung lei zong nih an chim.

Source: TawThu AlinnMyay News

 145 total views,  1 views today

This function has been disabled for Chin 11 News.