Muidawh Min Thang Tin Zar Wint Kyaw Cu Ralhrang Nih A Bia An Ceih Lai

Lemcang Tin Zar Wint Kyaw le Model Nan Mwe San biaceih zung an chuahpi hna

Lemcang Tin Zar Wint Kyaw le Model Nan Mwe San cu September 14 zinglei ah Mayangon le North Dagon peng biaceih zung ah Article 33 (A) in bia an ceih hna tiah theih a si.

Mayangon peng biaceih zung ah September 14 zinglei ah Lemcang Tin Zar Wint Kyaw cu Article 33 (A) in bia an ceih tiah Sihni pakhat nih DVB ah a chim.

“Amah le Nan Mwe San bia an ceih hna, hmaizarh cu Insein thong ah an ceih hna lai, atu cu biaceih zung an chuahpi hna a si” tiah a chim.

Cu bantuk in North Dagon biaceih zung zong nih September 14 zing ah ah Nan Mwe San cu Article 33 (A) in bia an ceih tiah Sihni pakhat nih DVB ah a chim.

“Biahalnak an tuah dih hnuin biaceih zung an chuahpi mi hna a si lai, cun Insein thong ah an ceih men lai” tiah a chim.

Tin Zar Wint Kyaw le Nan Mwe San cu SAC lei an dir lo caah atu bantuk in an tlaih hramhram mi hna a si tiah lemcang pakhat nih DVB ah a chim.

Lemcang Tin Zar Wint Kyaw le Sexy model Nan Mwe San hna cu kawlram nunphung he aa tlak lomi mah takpum langhternak hmanthlak le video pawl online cungah a man in an thlah tiah SAC nih a puh hna i Insein thonginn ah a kuat hna.

Atu SAC nih sual a puhnak hna Article 33 (A) cu thong kum 7 tiang thlak khawh a si.

Relchap>>>>>>CDM a tuahmi ralkap le palek pawl cu Pyithu taakaung phu nih sing 66 laksawng an pek hna
Ralkap le palek in CDM a tuahmi pawl fonh in August thla chungah dirhmi Pyithu taakaung phu nih atutiang SAC kuttang ah rian a tuan rihmi palek le ralkap pawl CDM tuah ding in an forh hna.

Hramhram in uknak a latu SAC doh in Telegram in anmah phu sin ah a rak pehtlaimi pawl cu hriam he CDM an tuah ahcun sing 20 tiang le hriam telh loin CDM a rak tuahmi cu sing 5 tiang laksawng an pek hna tiah theih a si.

September 1 thok in cu cawlcanghnak zarhhnih chungah ralkap le palek 9 nih an pehtlaih cang hna i anmah pawl cu sing 66 lakawng an pek hna tiah Pyithu taakaung phu CDM palek bawi Khun Aung nih RFA ah a chim.
Muicawl – RFA

Relchap>>>>>Russia ram a phak lioah Russia thawngzamh RIA he biaruahnak an ngei i Daw Aung San Suu Gyi cu a inn thong in thong taktak ah an kuat hnuah zeibantuk thlennak dah nan tuah rih lai timi biahalnak cungah SAC hruaitu General Min Aung Hliang nih a lehmi hna a si.

Thimnak a phichuak kha ṭha tein zoh ṭhan law tiah voi tampi kan chimh ko nain 2021 February ah ram buainak a chuahter tiah General Min Aung Hliang nih a chim.
“Buainak a chuah cang caah tette kan langhter a hau. Cu bantuk cu amah rian a si kha phung nih a langhter ko” tiah Russia thawngzamh sinah a leh.

Cu lengah a thahmi hna minung 4 kong he pehtlai in Russia thawngzamh biahalnak a leh hna tikah, a hlan ah hi bantuk hi kan tuah bal lo nain anmah ruangah minung tamtuk an thi i minung tamtuk nih harnak an tuar caah an thahnak hna a si tiah a leh hna.

Cun thimnak tuah le tuah lo kong zong hi daihnak le sipuazi cungah aa hngatmi a si caah chim dingah a tuan tuk rih i thla 5 a tan rih ko caah a dirhmun zoh in biachahnak kan tuah te lai tiah a chim.

Ramchung ah a cangmi hrawhnak, thahnak hna zong hi a luancia April thok in a zor deuh cang nain cheukhat peng hna ahcun a tang rih ko caah a daih chinnak hnga kan tawlrel lio tiah General Min Aung Hliang nih a chim.

Be the first to comment

Leave a Reply

Your email address will not be published.


*