Mourinho Nih A Thiambik (Best Player) A Thim Mi Nih Mipi Pawl A Lau Ter Ngai Hna

Mourinho cu coach a thiam tuk mi a si caah lentecelh ningcang a thei ngai mi le a hngal ngai mi pakhat a si. Cun caan sau pi chung zong Laliga ah siseh, Premier league ah siseh coach a tuan cang mi a si caah players pawl hi a hmuh dih cikcek ko hna. Cu ruang ah a hodah athiam bik a si ti mi a hun chim cu Messi le C. Ronaldo an rak I tal lo.

Mourinho Nih “Best Player” A timi cu LiveScore nih bia an ruah lio ah a chim i C. Ronaldo le Messi si loin Brazil hmaikal Ronaldo Nazario hi a si.

C. Ronaldo le Messi cu caan saupi bawlung an chuih kho, kum 15 a peh in an ngandam i a sangbik dirhmun ah an um nain Ronaldo Nazario hi Talent le Skill a ngei taktakmi a si ti. cun Ronaldo Nazario cu kum 19 a si lio Barcelona i a chuih lio in ka rak i fiang cang. Bawlung bual chung ah a thiambik cu amah hi a si ko, tiah Mourinho nih a chim.

Brazil Ronaldo cu voi khat aa khawn hnu in tha tein a chuih kho ti lo, nain Mourinho nih a hmuh manhmi bawlung chuih thiambik ah a chiah.

Laknak: Teirial Catialtu

 180 total views,  1 views today

This function has been disabled for Chin 11 News.