Mourinho Hruainak Tangah Tottenham An Cak Colh

West Ham United cu Tottenham Hotspur he an chuih i, Tottenham hi Jose Mourinho hruainak tangah an game hmasa bik a si i, Spurs nih teinak an hmu. Inn ngeitu a simi West Ham cu nai hrawng an chuihnak dangdang ah voi 7 cu teinak an hmu kho ti lo.

London Stadium an chuihnak hram an vun thok in minute 3 bak ah kawl a lut colh, Dele  Alli nih ball a pekmi cu Harry Kane nih West Ham kawl ahcun aluh ter nain Kane hi a offside ruangah kawl ah an pom piak lo.

Minute 36 ah Dele Alli nih Son cu ball a pek than i, South Korean Striker nihcun West Ham kawl ah a thun caah kawlkhat in hma an hruai. Son hi west Ham lakah I a game hnulei pali a chuihnak ah kawl 4 a thun i, tukum Spurs caah kawl 19 a thun cang i, an club caah kawl thun tambik mi a si.

West Ham le Spurs an chuih mi ah hin Spurs 3-2 West Ham an si. Tottenham hi Jose Mourinho hruainak tangah teinak cu an hmu colh nain hmailei ah zei dah an lawh lai ti cu mipi nih zoh bikmi ah an um lio a si.  

 232 total views,  1 views today

This function has been disabled for Chin 11 News.