Motor Le Motorcycle Pah/Tteih Nak Ruang Ah Kum 70 Putar Le A Fanu Kum 11 A Thi Cawlh

Kyoh Gyi myohne ah mawtaw le mawtaw cycle hmaitonh bak in an I pah/tteih nak ruang ah a hmun ah kum 70 putar pa le a fanu kum 11 cu an nunnak a liam cawlh tiah thawngzamh hmang in thawngtheih a si.

Hi thil a can nak hmun hi Paku ramthen Kyoh Gyi myoh le Mung myoh kalrak lampi zawn mengtung 2/2 pawng ah a si I tuchun June 24, 2020 zinglei suimilam 10 ah khan a si tiah thawngzamh nih an langhter ning cu a si.

Thih nak a tong mi hna kum 70 putar le a fanu kum 11 hi Kyoh Gyi in Mung myoh leiah mawtaw cycle in an kal hi a si I Mung myoh lein a rak ra ve mi mawtaw arang mi pakhat he vanchiatnak ruang ah hmaitonh bakin an I tteih/pah ruang ah a hmun ah an nunnak a liam hi a si.

Accident nak ruang ah thihnak a tong mi hna fapa hi mawtaw mongtu pa nih a rak zamtak cang hna caah an tlai kho rih lo. A hmun ah thihnak a tong mi pafa hna cu police nih an lak cang hna I an ruak zong zohfel nak an tuah cang hna. Kum 70 putar hi a min ah U Saw Hlah Moe a si I kum 11 a fanu hi a min ah Naw Gli Soe a si tiah theih an si.

Mawtaw mongtu pa a zam mi cu police nih an kawl cuahmah lio zong a si caah pohmah 303 (a)/202 in police nih a hmuh an phonh piak tiah an langhter.

Akon ThiĀ 

 214 total views,  1 views today

This function has been disabled for Chin 11 News.