Motor Accident Ruangah Nu 5 An Thi i Minung 29 Hliam An Tuar

Rianṭuantu Hna Phortu Motor Aa Let, Nu 5 An Thi, 29 Hliam An Tuar
===============
Naypyidaw, Zeyathiri peng Yangon-Mandalay lam hlun University of Drainage Agriculture hmai ah kuli a lekmi hna phortu motor aa leh caah minung 5 an nunnak a liam, 29 hliam an tuar tiah theih a si.

January 7, zaanlei suimilam 6:00 hrawng ah Yangon-Mandalay lam hlun University of Drainage Agriculture hmai an phanh ah accident an cang tiah mi bawmchantu phu in ṭuanvo ngeitu nih a chim.

” Cu motor cu vuanci zung pakhat ah ni ca in rianṭuan tu hna a phortu motor a si, motor cu rang tuk in a khalh caah a tubantuk in accident a cang i lamkam thingkung a pah hi a si” tiah a chim.

Motor accident ruang ah motor chung cuang mi riantuan tu minung 34 chung ah nu 5 an nunnak a liam i minung 29 nih hliam an tuar tiah theih a si.

Relchap>>>>>>2022, Kumchung Ah Myanmar Ram Chung Ah Mei Kanghnak Voi 1500 Leng A Chuak, Minung 96 Nunnak Liam

========================
A luancia 2022 kum January 1 in December 31 tiang kumkhat chung ah Myanmar ramchung ah mei voi 1570 a kang i minung 96 an nunnak a liam i 139 hliam an tuar tiah meithat zung lei cazin ning ah theih a si.

Myanmar ram chung hmunkip mei kanghnak voi 1570 a cangmi chung ah Yangon ramṭhen ah voi 244, Mandalay ramṭhen ah voi 194, Sagaing ramṭhen le Pago ramṭhen ah voi 165, Naypyidaw ah voi 32 le Chin ramkulh ah voi 18, Kaya ramkulh ah voi 6 hna an si.

Be the first to comment

Leave a Reply

Your email address will not be published.


*