Motor Accident Ah Minung 45 An Thi

Nizan November 23, ah khan Bulgaria ram thlanglei ah anmah Bulgaria ram caan in zinglei suimilam 2 hrawng ah Khualtlawng motor bus cu accident a tong. Hi motor bus accident ah hin nawlngeitu hna chimning ahcun a tlawm bik minung 45 an thi, tiah an chim. Mithi lak ah hin ngakchia 12 an i tel, tiah an chim fawn. Khualtlawng Phur Bus hi zei ruangah dah accident a ton an fiang rih lo.

Bus accident ah hin motor dang aa tel lo, tiah an fianh cang i, Khualtlawng hna hi Istanbul, Turkey ram ah tlawng in an kir lei a si, tiah an chim. Bus hi Macedonia ram chung i register tuahmi a si i, Khualtlawng tam bik zong hi Albenian miphun, Chaklei Macedonia ram ummi an si hna, tiah Albenian Foreign Minister nih a chim ve. Accident a tong mi lakin minung 7 an luat. A luatmi pakhat chimning ahcun Bus accident lio ah hin a tam deuh cu an i hngilh hna. Amah le a nung mi dang 6 nih bus thlalangawng cu an bauh khawh i an chuak hna, an bus zong hi fakpi in a kaang colh ve, tiah a chim.

Theihternak : The Chin Post nih kan tialmi thawngpang le ca dangdang hna hi kanmah chimh hmasa loin zalong tein lak khawh a si ko. Asinain kan thawngpang le ca dangdang a la mi hna nih Credit: The Chin Post ti te hi kan tialpiak hram u. Cheukhat cu Credit an kan pek lengmang ko nain cheukhat cu an kan pe duh bak lo. Cun cheukhat cu thawng kan laknak media Credit kan pekmi lawng an langter fawn. Rethei ngai in kan tialmi kha fawitein tangka laknak ah nan hman khawhmi cu a tha tuk ko. Credit pek tu cu kan philh ti hram hlah law tiah kan in theihter hna.TCP

 

 

 

Be the first to comment

Leave a Reply

Your email address will not be published.


*