Mon Ramthen Ah Quarantine An Chiah Mi Hna Mizaw Pathum An Nunnak A Liam

Thailand ram ah riantuan ding ah a rak kal mi hna Myanmar mi pathum hna cu Thailand in an rak kir hnuah Mon ramthen i siizung pakhat ah Quarantine in an chiah hna ko hna nain tuzing ah khan an pathum ning in an thi tiah thawngzamh nih a langhter. Hi hna pathum hi Thailand ah riantuan dingin a rak kal mi hna an si i tulio pulrai ruang ah a rak kir than mi hna an si.

Minung pahnih hi Mon ramthen Than Phyo Yazat khua mi an si i pakhat hi Tha Htun khua mi a si tiah phine hluatdaw pa nih Irrawaddy thawngzamh sin ah a chim. Cun hi hna pathum hi March 8 ah khan Thailand in a rak kir mi an si hna i Myanmar an phak hnu ni 20 hnu lawng ah Covid-19 positive an si hi theih an rak si.

“Hi hna pathum hi acozah nih khualtlung a phih dih lio ah khan a thlithup in Myanmar ah a rak kir mi hna an si. Cun Myanmar ram, an chuahkeh nak hmun an phak hnu zong ah siizung ah check-up tuah an fial ko hna nain local siikhan ah an i piah i cu ti cun mipi an rak dehdai hna. Asinain an hun zual hma deuh hnuah siizung an piah tik hna ah cun poisitive an si kha fiang tein an rak hmuh hna” tiah zong hluatdaw pa nih cun Irrawaddy thawngzamh sinah cun a chim.

Hi a thi mi hna pathum hi April 6 ah khan siizung ah an rak admit mi hna an si i tuzing ah an nunnak a liam hi a si.

Ref: Myanmar Express

 431 total views,  3 views today

This function has been disabled for Chin 11 News.