Model Sara Croce: A Biachim Ka Cohlan Piak Duhlo Caah C.Ronaldo Nih A Ka Block

Model Sara Croce biachim mi ruang ah Italy thawngzamh cu an lar kho taktak cang, nizan ah Italy ramchung model mingthang ngai pakhat a si mi Model Sara Croce nih C. Ronaldo he an karlak thil umtu ning fiang tein a chim mi ruang ah Italy ram mipi pawl zong khuaruah har ngai in an um ko hna. Model Sara Croce nih a chim ning ah cun ka phone number hi mi pakhat nih keimah theih loin C. Ronaldo a rak pek i si theu lai, C. Ronaldo nih ka phone number a ngeih bak in WhatsApp ah message hi ngol loin a rak ka kuat lengmang.

Ronaldo nih message a ka kuat mi ah cun Khrihfa a si nak kong zong tampi a rak langhter chih lengmang i hmunkhat ah lengchuah le tlonlen tti ding in a ka sawm tiah Model Sara nih cun a chim. Cun mipi nih an theih lo nak ding le mualpho in kan um nak hnga lo ding ah vengtu a chiah hna lai kong a chim mi hna hi cu zumh hmanh ka zum kho lo, a biachim ning le lengchuah chawhvah a ka sawm ning hi a bia ning tein chim than ding hmanh ah ka ning a zak cang tiah zong Model Sara nih cun a chim hi a si.

Hi kong he pehtlai in Model Sara nih C. Ronaldo sinah leh nak bia a chim mi cu “bawlung chuih thiam le minthang pawl hi ka tlangval si ding ah cun ka duh mi hna an si lo. Zeiruang ah ti a si ah cun lih chim an hmang, velhle in nungak komh an hman hna caah bawlung chuih thiam he pehtlaih nak ngeih ka duh lo tiah ka leh i cu ruang ah cun C. Ronaldo nih Instagram ah a ka block nak zong hi a si tiah a chim.

Hi kong he pehtlai in Italy mipi an khuaruah a har khun nak cu C.Ronaldo le a nupi Georgina Rodriguez cu chungkhar pakhat ah fa 4 ngei in khuasa lio mi an si ko caah zeitindah Model Sara nih a chim mi hi a si khawh hnga tiah khuaruah har ngai in an um ko hna.

Source: Mizo World News

 225 total views,  1 views today

This function has been disabled for Chin 11 News.