Mizoram Le Assam Buainak Kongah Thisen A Luang Tiah North East News Nih A Tar

Mizoram le Assam buainak cu a linsa chin leng i nizan ah hi buainak ah thisen a luan tiah Zonet pali nih a chim. hi an buainak kong hi an ramri kong ah a bik in an buainak a si. North East news nih cun hi buainak ah hin minung pakhat a thi tiah an tar ve. Mizoram le Assam hi Caan saupi buainak a nei cang mi an si i, felfai tein hi an buainak kong hi an daih ter kho lo mi a si.

Mah an buainak kongah hin Assam le Mizoram hi fawi tein daih dawh an si lo caah an An State Minister a ran nak in an i ton hnu ah hi kong hi ceih a si lai tiah an tar. Tuchun ah hin Mizo Council Emergency meeting neih ding in State cozah nih cun timhtuah nak a nei tiah theih a si.Hi an buainak ruangah Assam nih Motor vialte le a chawklet mi pawl tlun kal nak vialte cu a kham dih tiah theih a si.

Mah an ramri buainak cu An ramri i lung ann phun mi le an inn sak mi vialte an khangh dih i, an ramri Vairengte Mizo Mino pawl nih um mi nih hihi an duty caah Assam nih hin zahan tiangah khan cun Mizoram chungah an lut ngam lo. Social media Zeo mawzat i an tar ningah cun minung 4 nih hi buainak kongah hin hliam hma an pu tiah an tar nain, Zonet palai nih cun Pathum nih hliamhma an pu tiah a chim.

Nizan ah khan Asaam pawl cu an ramri i Mizo pawl buainak le harsatnak pek dingin an rak ra i, mizo Police le mipi tampi an rak um caah buai ngam loin an kir than tiah an chim. Mizoram le Assam hi ramri kongah caaan sautuk an buaicang i 1975 khan hihi kan ram a si tiah an chim, Cabinet zongnih an pom mi a si tiah an chim. Assam nih cun 1933 lio i ramri kongah hihi kan mah ram a si tiah an cim ve.