Mizoram ah mi a that i an tlaih mipa cu a sining an hlatthlai hnu ah hitihin a kong fiangtein an chim. Amah nih a sining a chimnak ahcun Tahan mi ka si i ka min cu Lal Cawi Mawi ka si i Tahan A Group ka si tiah a chim.
Tahan lei kan unau hna nih a sining cu an hlat lengmang i a si lo Tahan a si lo Letpanchawng ah khuami a si i Letpanchawng A Group mi a si tiah fiang tein an chim cang. Amah hi kawl ralkap ah 4 hrawng a um mi a si i nikum ah khan a zaam mi a si tiah fiangtein mizoram lei cu an hei thanh hna.
A min taktak zong hi Lal Cawi Mawi si lo in Lal Cawi Thang a si tiah an fianter . Mahtluk saul khawh cu tiah mawhchiat tlak ngaingai a si ko. Mizoram polek nih a cung ah a tlak ning poh in hremnak cu an pek ko cang lai. Fir i vak i mi mah te a um ko mi va kal hnawh i va thah cu ngaitchiatnak a tong mi chungkhar ca zongah i lungsak a har taktak ko lai.
Mizo chanel kip ah mah kong hi fiangtein an theih i an dothlat hnu ah an pho mi a si, ngaihchia ngai kan si ko. Hitluk kanram buai lio le Mizoram cozah i a kan dawt i a kan zohkhenh lio ah kanmah kawlram mi i Mi ramdang i lai kan va nawng ko hi cu a poi taktak.
Leave a Reply