Mizoram Ah Ralzam Mi Kan Far Le Kan Nupi le An Him Lo, Thlaihrem Le Luhhnawh An Ton Lengmang Cang

Nai ah laitlang ah ka va tlung i u pah ahcun Tio kap khuaMizoram khuate ah ral a zam mi kan far le in ah ka tlun i cu ahcun ka farnu nih cun an him lonak kong a ka chimh i ka lung rawk ngai. Ka far taktak a si lo kapa far fa a si i ram buai ruangah an u fa rual in minung 5 mizoram ah an zam.

Zaan khat cu nazi hlei hnih hrawng ah inn ka an kingh leng mang i ka tho i ka va on cu inn chungah a rak lut i a lawi duh tilo. Ka mit le a ku tuk. ka fale le an i hngilh dih cang fawn i ka ttih tuk.

Na duh le it ko a ka ti i ka celh tilo i ka it. Ka ih tlawmpal ah kan ihnak lei ah a ra i ka pawng ah a rak it ve colh. Ka ttih tuk i ka tho i ph kaa chawn ter. A hodah na chawnh tiah a ka hal i kan pa ka ti aww a ka ti i. Ka pawng ah a rak thu than. Ka ttih tuk i ka tuar ti lo caah kan inn tang kan laimi ka call hna i an rak kai mah cun a lawi.

Voi 5 hrawng ih pi ding in a ka lem nain ka duh lo, pasal nei mi ka si kan leng hlah ka ti nain a duh lo. Keimah atuk midang tampi an um ve , kan i chawn tawn hna ah an tlaihhrem khawh mi zong an um leng cang.Inn dang ah kan i thial nain kan i thial bu zongah voi thum hrawng a kan pal. Ka ttih tuk caah khuadang ah kan i thial.

Zaan khat cu inn ka ka ong duh lo i kan inn cu chia tyuk kaw inn ka a hninh leng mang i a mah tein kan hrenh mi a ong i ka hngilh cang cu ahcun ka pawngah a it i theih hmanh hlah ning law ka au hnga i mual kan pho hnga.

Ka theih le cang ka in ka tho colh. ralit ko kan duh tuk le ka sinah hin a ka ti ka tihtuk i zaan khuadei ka it ngam ti lo. A zam nak khua le a min langhter a duh lo. a singing dihlak a ka chimh nain a tamtuk caah a tawinak in ka van tial colh. Mizoram ah a zam mi kan far le hi an him lotuk cang. Pumpak hrimhrim in kan i ralring a herh taktak. Crd… Pa Cung Mh

Relchap>>>>>Chinram Ah Ralhrang Nih Tuah An Timh Mi Hi An Hlawh A Tling Ahcun A Poi Taktak Lai

Hakha Le Paletwa Peng Thimnak Ding Kong He Pehtlai In Pilot Project An Cawlcaang!

Chin ramkulh chung ah Union Election Commission hruainak in tuahmi Vote(mee) cazin zohṭhannak cu Pilot Projects nih Hakha le Paletwa peng ah tuah in, cazin an lak cuahmah lio a si.

Chin ramkulh, Paletwa ah chungkhar cazin an lak hna i, Paletwa ah SAC le Paletwa CDF, AA kar kahdohnak cu a voihnihnak a chuah ṭhan caah kan rian kan tlamtlinh lai lo, tiah cazin a latu hna nih an chim. Cu bantuk ṭhiam in, Hakha khuachung sang cheukhat hna zong ah chungkhar cazin an lak cuahmah lio a si, tiah theih a si.

2020 thimnak ah vote fir puh in hramhram uknak a latu SAC nih atu bantukin vote(mee) cazin check ṭhannak tuah in chungkhar cazin a kan lakter mi hi, kanmah zong kan lung tling lo nain an kan lakter ruangah kan lak mi a si ko, tiah Chungkhar cazin latu hna nih cun an chim chap.

A luancia August 10 ahkhan Paletwa SAC hrambunh khah-lah-yah (ခ.လ.ရ) 289 nih, Paletwa khua cu hriamngan in an kah. AA le SAC ralkap kar kahdohnak a faak i, Paletwa-Kyautdaw(ကျောက်တော်) tilawng lam zong a luancia August 1 khan an phihkham ruang ah Paletwa mipi nih eidin tirawl kongkau ah harnak ngapi an tong.

relchap>>>>>KNU Brigade 3 Hmunram Kahdohnak Ah SAC Ralkap 12 An Thi!

KNU Brigade 3 hmunram, Nguanglaypin pengkomh, Mung peng chung ah SAC ralkap le KNLA Battalion 8 cu a luancia August 5, 6 le 10 ah kahdohnak voi li a chuak i, SAC ralkap 12 an thi, hliamhma pumi zong an tam, tiah KNU nih cathanh an chuah.

Mung peng, Teypaw(တယ်ပေါ) le Karen Myatye(ကရင်မြက်ရဲ) khua kar ah SAC ralkap le KNLA Battalion 8 cu, August 10 zing sml 9 le 10 hrawng ah voi hnih kan i kap. SAC ralkap 9 an thi, tiah an langhter.

August 5 le 6 ah kahdohnak voi hnih a chuak i, SAC ralkap Warrant Officer pakhat telh in ralkap 3 an thi, KNLA lei in a thimi le aa hliammi an um lo, tiah theih a si.

Muse Ah Pa Pahnih Cu Hramtlai Phu Nih An Kah Thah Hna: Shan ramkulh nichuahlei Muse khua ah hngalh lomi hriamtlai phu khat nih pa pahnih cu nihin August 12 zinglei ah meithal in an kah thah hna, tiah theih a si. Nihin zing sml 4:00 hrawng ah Muse thlan hmun pawng ah pa pakhat cu, dum lei a tlik lio ah meithal in kah thah a tong. Zing sml 7:00 hrawng ah a dang pa pakhat cu a kut hnulei ah an leh i, hri in an ṭem hnu ah an kah thah.

Muse khuami pakhat nih, “Pa pakhat cu mi dum lei a tlik lio ah kah thah tong. A dang pa pakhat cu hri in an ṭem i, an kah thah. An pahnih in hawikom an si,” tiah a chim. A kut hri in an ṭemmi pa cu kum 32 a si i, a hnakhaw, a ṭaang le a liang ruh ah an khen caah a thi. Dum lei a tli mipa hi kum 40 hrawng a si i, a lu, a hnakhaw, a baan le a ṭaang ah an khen caah a thi ve, tiah theih a si.

An ruak cu Muse bawmchantu phu nih an rak laak hna i, sii-inn ah an kalpi hna. Muse khua cu Myanmar-Tuluk ramri a si i, kahdohnak, puahkehnak le mi thilri chuhnak atu le atu a chuak lengmang, tiah tialchung mi hna nih an chim.

Be the first to comment

Leave a Reply

Your email address will not be published.


*