Mizoram Ah A Ummi Paletwa Mipa Hi Zaangfak Tuk A Si Cang, Mipi Sinah Bawmhnak A Rak Hal

Mizoram ah kum zeimawzat a um cang mi Paletwa pengkulh Tan Htawng uksuh, Wat Chaung khua mi U Nyi Win nih a chungkhar sinah tlun le khuasak a duh cang caah mipi sinah bawmhhal nak a rak tuah.

Bawmhhal nak kong ah a rak tial mi cu “keimah ka min cu Nyi Win ka si, Tan Htawng uksuh, Wat Chaung khua mi ka si. A tu ah hin Mizoram Zwmabawk workshop pawng ah ka um lio a si. Ka umnak le khua ka sak nak hmun ah hin saudeuh um awk ka that ti lo ruang ah le ka chungkhar sinah khuasak in an sinah umve kha ka ngaih tuk ve cang caah ka chuahkeh nak khua le ram ah tlun ve ka duh tuk hringhran.

Cucaah ka chungkhar le ka unau pawl nih ka umnak an ka theih/hngalh khawh nak hnga ding ah le ka nungdam ko ti an theih/hngalh khawh nak hnga ding ah hi ka ca post mi hin pehtlaih le hlathlai piak rak ka bawm hram cio uh. Asi khawh ah cun ka chungkhar le ka unau nih ka umnak hmun hi an theih/hngalh i an rak ka laak khawh nak hnga ding hi ka duh tuk hringhran ko cang.

Cucaah zaangfah nak tein ka chungkhar hi rak ka dothlat piak cio ve hram ding in bawmh kan hal ko hna” tiin a chungkhar pawl an min vialte a rak tial dih hi a si. Hipa hi a chungkhar he pehtlaih nak an ngeih ti lo nak hi kum 10 lengkai a si cang caah a nungdam ko ti zong hi an theih hngal tuk lem ti lai lo.