Mithi Ruak Pakhat Char A Si, A Konglam An Hlathlai Cuahmah

Tuchu zanlei suimilam 2: 45 ah khan Tamu-myoh chung ah a um mi tiva pakhat chung ah tlangval no te a si mi pakhat cu a ruak in an thar tiah thawngzamh pakhat nih a rak langhter. A ruak an char mi hi angki zong hruk loin tiva ah an rak hmuh mi a si.

Hi thawngpang a rak tialtu nih a tial ning ah cun “hi mithi ruak kan char mi hi Tamu, ward (11) ah a um mi ka hawipa lakphak dawr pawng ah a um mi tiva chung ah a si. A ruak kan char ah hin a hmai ah hliamhma bantuk kan hmuh. Hi kong he pehtlai in hi tlangval no te hi zeitin dah tiva chung ah a tlak ning a si hnga, mi nih an thah hnu ah an hlonh  mi si hnga maw ti mi kong ah police nih an hlathlai cuahmah lio a si” tiah a rak langhter hi a si.

Hi ruak an char mia nih kum 15 hrawng a si lai tiah ruah a si, hi thawngpang tial a si lio ah hin ruak an char mi hi a min, a umnak le a konglam zeihmanh theih khawh mi a um rih lo caah hlathlai cuahmah a si.

Source: Letpanchaung

 

 168 total views,  1 views today

This function has been disabled for Chin 11 News.