Misual Ralkap Pawl An i Chuahsual Bak Ko!

Journalist pakhat an velhmi Kongah Bator kawl Ralkap pawl i chuahsual dawh an si ko hih! Poland Ram hruaitu hna an thinhun ahcun a herh a ti ning in Kawl Ralkap cungah Action a laak khawh!

Taunggyi Khuapi ah Ramdangmi Journalist pakhat cu Ralkap nih an tlaih. Hipa hi Poland Ram mi pa a si tiah theih a si. Hi Polish Hmanthlatu pa cu Taunggyi sandahpiah mi hna le Ralkap cu hman a thlak cuah mah hna lio ah, Ralkap nih an zuan hnawh, an kulh dih i an tlaih chih tiah theih a si. Ralkap nih a velh zong a velh chih tiah theih a si fawn. An thlah rih le thlah rih lo cu zeihmanh an thei kho rih lo.

Hi bantuk in Ramdang mi/Polish pa an tlaih le an velh ruang ahhin Poland nih a herh a ti ning in Kawl Ralkap cungah Action a laak khawh. Kawl Ralkap nih hi pa hi an thah sual a si i Poland an i cenat lo i Ralkap nih ngaihthiam an halnak a cohlan duh lo ahcun Poland zong nih a rak tuk khoh mi a si. A tu tiang ah an tlaih i, a velh zong a velh ti long theih a si rih.

Crd: Khit Thit Media.

Relchap: Chin Ramkulh Khuapi Hna Chung Ah Ralkap nih An Cawlcanghnak Fehter An Timh!

Ralkap nih mipi Lamzawh mi hna le CDM a zul mi hna cu cawl kho lo ding in an cawlcangh nak Chin Ramkulh ah a feh ter deuh chin chin cang ti kan theih . Chin ramkulh chung khuapi pasarih sizung ah ralkap nih hmunkhuar an tim. Thantlang le Paletwa sizung belte ah ralkap an luh lai le luh lai lo theih a si lo.

Tu ni hrim hrim ah Hakha khuachung Sizungpi cu an rak laak cang tiah kan theih. Hakha khuami hna zong nih March 12 zaan lei ah khan va chuah hnawh hna i dawi tthan an timh hna sihmanhsehlaw an tlamtling maw tling lo ti theih khawh a si rih lo. Mindat khua Sizung zong Ralkap nih an rak rat hnawh cang tiah kan theih fawn.

Crd: The Chin Journal