Misual Ralkap Le Palik Hmai Ah Thih Ngamh In Hmai Fongmi Nusal Tha!

Mithat Lainawng ralkap le palik hmai ah thih ngamh in hmai fongmi nusal Sister Rose Ann Nu Tawng! Mithat lainawng palik le ralkap hmai ah thih ngamh in zapi hmai ah kal in a khuk aa bilmi Sister Rose Ann Tawng hi upat lo awk tha lo.

Nihin Kachin ram Myitkyina khuapi sandah piahmi hna cu misual lainawng ralkap le palik in harnak an pek hna an bu theh le hrawhhral an timh hna lio ah thih nun ruat loin Sister Rose Ann Tawng cu hmai ah a chuak i a khuk bil bu in palik pawl cu a nawl hna.

Cu ti a tuahmi cu palik nih an hmuh tikah mipi harnak pek ding in a dirmi palik chung in Palik pahnih nih upatnak an rak pek ve i an kutsih buin a hmai lila ah an khuh an i bil ve. Crd:TCT

Relchap ding thawngpang dang: Social punishment hi ram thanchonak a dawntu, ram a hrawktu “corruption” dohnak hriamnam a si bantuk in, Tulio caan ah “social punishment” kemh chih zong hi a biapi ko.

Ram le miphun caah ka ttuan ve lai tiah aa pumpe balmi vialte, tulio bantuk caan ah daite in a um i, aa thupmi vialte kha rak iching chiah hna ulaw, Federal Democracy kan hmuh tuk zong ah ithup thai te hna seh!

 

Tulio bantuk caan ah Mipi lei ttang loin, Ralkap, terrorist lei a ttangmi hruaitu paoh kha, rak iching chiah u! An techin fapar chan tiang miphun zuartu ah chiah leng awk an si lai. Abik in Ralkap Terrorist lei a ttangmi paoh hi, mi zei an si fiang deuh in Mipi nih kan theih khawhnak hnga, phozar ko hna u! Cu lo ahcun, hmailei ah tthutdan tthatha, ram dawtu savo kha, anmah nih an tingco sual lai.

 

Chap: CDM a tuahmi lak ah a thli tein um in, CDM upa hna an khuakhanmi le an thil tuahmi thli tein police le Ralkap sinah report a tuahmi spy an um lengmang. Mahbantuk minung hrim kha zoh sawhsawh awk an ttha lo. Laimi/ Chinmi hrimhrim nih Ralkap caah spy ttuan le miphun hawi fahnak pek kha ithim ding a si lo. Credit: Zasang Cinzah