August 31, Sagaing Ramthen Tantse (Tangse) Peng Kapaung le Leikchan hrawng ah SAC ralkap nih khuachung an kah lio ah a thi mi ruak tiin facebook cahmai ah a lang mi ruak pawl cu khuami ruak an si tiah an fehter.
Cheukhat nih PDF pawl ruak ah an rel nain khuami ruak an si tiah khuami le chungkhar nih an fehter.“Kan zaam lio ahcun ka Pu he hin kan zaamti nain lam aa palh rua, kan i thlau. A thaizing zingka ahcun ka Pu ruak le midang ruak 2 cu tuupi ah kan hmuh hna.
Leikchan zong ah ruak 4 hrawng an hmuh hna,” tiah khuami pakhat nih a chim.Khuami nih an chimnak ahcun ruak 10 hrawng um dawh a si. Hika kiang khuate in SAC ralkap tih ruang ah minung 4000 renglo an zaam i ramtang ah an i dor lio a si tiah BBC nih a tial.THT
Relchap: Kayin Ramkulh Phapone KNU Brigade No.5 hmunhma chung ah SAC ralkap le an kuttang BGF pawl i bawm in KNU he August thla chung ah voi 130 an i kap i SAC lei 118 an thi, 68 kan hliamh hna tiah cathanh an chuah.
SAC ralkap lei in hliamh mi hna lak ah Commander-in-Chief aa tel i KNU lei in minung 5 an i hliam ve.SAC nih hriamngan an hman ruang ah khuami inn 6 a kaang i khuami 3 an hrem hna, pakhat a thi, tiah theih a si.
Atuhrawng hi KNU Brigade No.5 hmunhma ah SAC nih helicopter in zohngiatnak an tuah pah lengmang ruang ah khuami hna khur cawh i cuka kiangkap deuh ah i dor ding in KNU nih khuami an fial hna tiah KTM nih a tial. THT
Leave a Reply