Mipi Ralring Tein Nan Um A Herh Cang Tiah A Thanh

Tuzing September 7 ah NUG nih D-Day a thanh cang caah a hlannak in kahdohnak zong a chuak kho mi a si. Mah ruangah ralrin tein um dingin KIO chimnak nawlngeitu Col. Naw Bu nih mipi sin ah bia a cah.

Col. Naw Bu nih NUG cathanh he pehtlaih in KIO nih zeihmanh ruahnak kan chuah rih lo nain, hmunkip ah kahdohnak a chuak kho mi a si caah mipi ralrin tein um a herh ti chim ka duh.

Kahdohnak a chuak te ko lai. NUG le PDF nih zeitluk dah rian an tuan khawh ti mi cu mipi cungah a hngat ko.Rampi huap in an thanh mi a si tikah atu nak tam in kahdohnak a chuak te kho mi a si.

Kachin le Sagaing ramri KIA le ralhrangbu i kahnak ruangah ralhrangbu hna nih nuhrin covo an buar nak kong he pehtlaih in mipi nih thawng an thanh lengmang a hau. Bu pakhat khat sin ah thawngthanh hi a biapi ngai mi a si. Kan dihlakin kan tanti a herh tiah Col. Naw Bu nih the 74 media sin ah a chim.TCP

Relchap:Nihin september ni 7 zingah NUG cozah nih cun rampumpi ral kan tho cang lai mipi i ralring cang uh tiah an thanh i, Min Aung Hlaing SAC ralhrang pawl an lau ko cang. Mah thawngpang ralhrang nih an hngalh bakin Yangon khuapi i kalkap van lawng in hmundang ah a um mi an kalkap pawl cu hriamnam an khuat thluahmah hna tiah theih a si.

Cu lawng si loin Pulaw myo ah Min Aung Hlaing Ralhrang motor 20 leng a ra i hriamnam a phur tiah theih a si. Tutan ah NUG nih Emergency in ralthawhnak ding a thanh mi cu ralhrang an lau taktak caah hmunkip ah ralhrang hriamnam an kuat thluahmah colh.