Mipi Nih Kan Celh Ti Bel Lai Lo Tuk A Sum I Ttih A Nung Tuk Ee

Mipi Nih Kan Celh Ti Bel Lai Lo Tuk A Sum I Ttih A Nung Tuk Ee

Pazigyi Khua Ah SAC Ralhrang Nih Cunglei In A Kah Caah Mipi 50 Leng An Thi; Hliamtuar Zong An Tam
=====

Sagaing ramṭhen, Kanbalu peng, Pazigyi khua ah SAC ralhrang nih mibupi umnak hmun cu cunglei in a kah hna caah mipi 50 leng an nunnak liam i, hliamhma pumi zong an tam, tiah tualchung mipi nih an langhter.

April 11, zinglei suimilam 8:5 tluk ah Pazigyi khua cu a ruang umlo in SAC ralhrang nih mibupi an umnak hmun cu Jet vanlawng in bomb voi khat, Mi35 raltuknak Helicopter in voi 4 tiang bomb thlak in a kah hna caah a tlawmbik mipi 50 leng an thi i, hliampu mi zong an tam, tiah kan theih.

“Hngakchia hna ruak zong a tamtuk, nu hna an ruak zong a tam caah mipi cheukhat an ruak pawl cu an i ṭhekdih i, a ho ruak a si zong kan theih kho hna lo” tiah tualchungmi pakhat nih a chim.

“Mipi nunnak liammi hna hi 50 leng an si, mahnak hmanh in an tam deuh kho” tiah a dang tualchungmi pakhat nih a chimchap.

Atu bantukin vanlawng le helicopter he SAC ralhrang nih bomb thlak in le a kahnak khua ah mipi cheukhat an rak phan nain an ruak laak bawmchan khotu an tlawmtuk pin ah hliamhma pumi an tam caah sii-aii lei thlopbulnak zong an tuah kho rih lo, tiah kan theih.
#Khit Thit Media