Mipi Hriamtlai Guerrilla Phu Nih Ralhrang Rual An Phomh Hna

Mipi Hriamtlai Guerrilla Phu Nih Ralhrang Rual An Phomh Hna

Dawei pengkomh, Thayetchaung peng ah khualtlawng mipi le mawṭaw pawl sin in tangka a hal mi SAC ralkap le pyusawhtee pawl an kah hna tiah Patitalung Guerrilla phu nih an thanh.

Thayetchaung peng, Myeik-Dawei lam cung ah hmunhma la in mipi pawl sin ah tangka a hal mi SAC ralkap le pyusawhtee 20 hrawng cu Kasedu Federal phu le Patitalung phu nih an kah hna.
Mins 20 hrawng Kahdohnak chung ah 3 an thi i 4 an i hliam. Mipi hriamtlai phu him tein an kir kho tiah theih a si.

Relchap>>>>>NUG Nih Tuluk Le ASEAN He Aa Kawp Ahcun Federal Dik Kan Hmuh Lailo (Part4)
MAL le Suu Ci te nih Pohma 262 kha an remh lai I Tlangcungmi hna Federal kan in pek hna hi I lak uh law I nuam uh an kan ti te lai, Pohma 262 cu Pine Uktuchip kha Pine Hlutdaw nih an thimh lai ti asi lai.
Hlan ahcun Bahu (Center) lei nih an duh mi pa kha PINE (State – Ramkulh) uktu (PM) an pek.
Pau Dohthlennak cu pakpalawng asi cang lai. NUG NUCC CRPH zong santlaih ti lai lo.

NUG NUCC CRPH cu NLD lei ah an merh dih te lai. 2008 Phunghrampi ningin an kan hruai ṭhan te lai.
An remh hmanh ah Kawlte lawng LAL zungzalnak caah 2008 phunghrampi kha an remh te lai.
Panglong le Federal cu an tlau te lai. Zeitintiah NLD le DASSK cu Panglong le Federal aduh mi an si lo.

Democracy lawng a duh I aa za mi an si. Kawl miphun caah Federal a herh lo I democracy hi an caah aza.
Cucaah Federal cu a hnu ah kan ceih te lai Ceasefire tuah uh law NCA le Peace kan tuah lai cuka ahcun Panglong le Federal kong kan ceih hna lai an kan ti te lai.
Kumkhat voi 2-3 te meeting an kan tuah pi lai I, a tlawmbik kum 15 – 20 rau in an kan ceih pi te lai. MAH le DASSK an tar I an cang khawh lo tiang le vawlei ah an um hnu lo tiangin an kan ceih pi lai I Federal le Panglong kha silhnalh nak ah asi te lai.

USA nih NDAA bawmhnak an kan ti ko nain an kan bawmh ngaingai rih lo. Kawlram in Ramdang Co. Ltd chuak dih uh an ti ko nain, Germany, UK, EU, Japan, Australia, Singapore, Tuluk, India tbk hna an um peng rih. UNSC (United Nations Security Council) nih Kawlram kong ah Biachahnak amak ngai mi cu an tuah ko nain a hnu an zulh ti lo.
MAH nih a tuah maw tuah lo ti le a tuah lo ahcun action lak nak aum lo. Bia an chah I a dih ko.

UN meeting ah kawlram cu Hriamnam le Zinan zuar hlah uh an ti ko nain Officially (Phung ning tein) cachuah mi aumlo.
Cucaah Singapore le Japan nih UN nih cachuah in khamh mi aum ahcun MAH te hriamnam kan zuar lai lo I, Kawlram ah sipuazi kan tuah ve lai lo an ti le a dih ko. UN USA EU nih hnuzulh a um bak lo.

Pauchuak Dohthlennak ah EAOs le NUG cu pumkhat kan si khawh lo, PDF LDF CDF zong pumkhat kan si khawh lo.
EAOs ah NUG hawikom le SAC hawikom tiah an um bantukin ahohmanh a kawmh lomi zong an um.
Kawlram ah EAOs a lian mi 17 an um. NUG hawikom cu Phu 5 lawng an si (CNF, KIO, KNU, KNPP, ABSDF).

SAC hawikom hi 10 an si. DKBA, KNU / KNLA-PC, PNLO, NMSP, ALP, RCSS, LDU, UWSA, NDAA, SSPP. TNLA, AA, SSA, MNDAA tbk cu anmah tein an um. An duh SAC he, an duh ah NUG he an I kawm.
Kawl miphun nih tuah mi PDF LDF UG hi 400 leng an um nain, NUG kuttang ah an um dih lo.
200 hrawng hi NUG kuttang an si I 200 leng hi NUG kuttang um an duh lo.
Kawlte ERO asimi BPLA, RMNA, SAF, SOF tbk hna zong NUG kuttang ansi lo.
Cucaah one command tang ah pumkhat tein le lungrual tein Ralhrang kan doh khawh ti hna lo.

Mah le Zubui khawr cio cawh asi caah, UN USA EU UK tbk nih MAH kan tei lai tiah an kan zumh khawh ti lo caah ASEAN ah an i merh dih mi hi asi.
NUG NUCC ah EAOs le Tlangcungmi Palai aazat in tuah uhlaw, 8 States Policy le charter ngei uh, cutin nan tuah khawh ahcun hriamnam le Phaisa tampi kan in bawmh hna lai an ti ko nain NUG nih an duh lo.
Kawl lawng tein NUG NUCC si hlah uh, an ti nain an duh lo. Cucaah ASEAN lamthluan hi an I thimh cio mi asi cang tihi philh hlah.