Mipi 8 Bak Ralhrang Hriamnam In An Nunnak A Liam

Mipi 8 Bak Ralhrang Hriamnam In An Nunnak A Liam

Shan Le Kaya(Karenni) Ah SAC Hriamngan In Thla Khat Chung Ah Tualchung Mi 8 An Nunnak Liam

Shan ramkulh thlanglei le Kaya ramkulh ah hriamngan in February thla chung ah ngakchia telh in tualchung mi 8 an nunnak liam i 12 hliamhma an pu, tiah KNDF nih March ni 5 ah cathanh an chuah.

Shan ramkulh thlanglei Hpekhone, Pinlaung le Kaya ramkulh Demosoe, Hprosu, Loikaw peng ah SAC ralkap nih hriamngan in tualchung mi an umnak lei kap ah an kah, tiah theih a si.

SAC nih hriamngan an kah caah tualchung mi inn 9, siikhan 1, biaknak he aa pehtlaimi inn 4 zong a rawk, tiah theih a si.
Demosoe peng Ngwetaung hrambunh Khah Lah Yah 102, Loikaw peng Loitamu, Hproso peng hrambunh No. 14 raltuk cawnnak, le Hpekhone peng hrambunh sakhan in SAC ralkap nih hriamngan pehtlai in an kah, tiah nuhrin covo phu in ṭuanvo ngeitu Ba Ngia nih a chim.

February thla chung ah SAC ralkap le KNDF kar ah kahdohnak voi 35 a chuak i, SAC ralkap 45 an thih pin ah 16 hliamhma an pu. Kanmah lei in 2 an nunnak a liam ve, tiah KNDG nih an langhter.
February ni 24 ah Shan ram thlanglei Pinlaung peng Saungpyaung khua um SAC ralkap sakhan cu KA le KNDF nih an rak kah i Pinlaung peng ah kahdohnak a rak zual.
Crd.. TCP