Miphun Thleidan Ruangah Buainak Nganpi A Chuak: By Sailo Thang

Atu lio news kan rel le kan zoh tikah miphun i thleidan ruangah buainak ngan pi a chuak mi hi kan hmuh cio lai. Mah nih hin khua tampi a ka ruah ter i cucu keimah hi teh mi cungah a hman lo mi thleidannak lungput ka ngei sual ve maw ti hi a si.

Takvun, tangka ngeizet, sinak, thiamnak, mui, le a dang dang ruangah mi hi niam deuh in ka hmu sual hna maw? Peng le tlang ruangah thleidannak lungput ka ngei maw? Mi nakin ka tha deuh timi lungput ka ngei maw? Harsatnak a tong mi hna cungah zaangfahnak le zawnruahnak ka ngei tak maw? Khrih nih a ka dawt bantuk tein midang hi ka daw kho hna maw?

Ahopaoh hi Pathian mui keng in ser mi an si tihi ka hmu kho taktak maw?  Miphun dang a ding lo mi thleidannak an ton tikah zawnruahnak ka ngei maw? Keimah miphun harnak ton caan lawng i a lungfak mi ka si sual maw?

Hi vialte hi keimah pumpak ka nunnak kaa check i ka chambau cikcek ko. Cucaah tu lio hi cu Bawipa hmai ah sual ngaihchihnak he ka kun. Bawipa ka thinlung hi ka purdah law ka thianter ko tiin David nih Salm 51 chung a cam bantuk tein ka cam.

Kannih cio zong kan sining i zoh than hna usih law Bawipa sinah kan sual i ngeihchih buin lung thiannak zong hal ve hna usih. Miphun thleidannak vanpang pi hi a cim khawh nak hnga kanmah pumpak nunnak cio ah a cim hmasat a herh. Kan ram le vawlei pi caah thlacam ko hna usih, rem daihnak taktak pe kho tu cu kan biakmi Pathian lawnglawng hi a si ko.

 191 total views,  1 views today

This function has been disabled for Chin 11 News.