Miphun Party Vs Kawl Party Ram Khelh Ningcang Epchun Nak

Catialtu: Saya Rung Kaw

Ramkhel Party phun 2: Kawl Party le Miphun Party Ramkhel ah

Chinmi phun 2:

1. Kawl party le Kawl Cozah dirhkam tu le a ṭanh tu hna

2. Chin Party in Chin Cozah Serh a duh mi hna; dirhkam tu, ṭanh pi tu hna

Kawl Party le Cozah nih an ṭuan bik mi hna: Lamsul, Hlei le Innlo hi a tam bik. Ṭhancho nak lei lawng papek in rian an ṭuan. Hlan lio nak in a let in khuaram a ṭhancho. Khua mi kan I lawm. Pathian nih kan thlacam an kan leh kan ti. Halleluiyah le Amen atam.

Lamsul, Innlo, Hlei, Ti le Mei tamdeuh kan khua tlang pek asi ahcun; Cu vuanci pa le MP cu a fim tuk ti asi. Kan khuaram an kan pe mi a tlawm ah siseh, kan hmuhco lo ah siseh, Vuanci pa le Kan MP pa cu Molh le Hruh degree aco colh ve.

A chuah pi mi: Hlan lio nak in kan ṭhancho deuh saumau. Kan siṭhat deuh I kan I rel rem deuh ngai ngai. Puai le lam a tam. Rawl dangh le chunh thah a tam. Zupu dah zong aum pah ton ve. Pathian thangṭhat thla cam nak, Cuaimawi nak; Thlawchuah malsawm hal nak; khuapi rawldangh puai tuah zong a tam khun.

Apoi nak bik cu: Kan ram le Miphun Dam nak an kan phawrh kho lo. Zawt bu in puai lam kal le biak inn kal asi. Kan chungril, kan thinlung, kan ruah nak, kan saduh thah, chunmang, tbk Cancer, thikai zawr nak, lungtur zawt nak he tiah; lungdo hma he khua kan sa. Hmarun he kan khat. Thih lo nung lo in kan um fawn. Kan I nuam dih khawh lo.Kkan biahla zaang tlung kho ve ti lo.

Azei tuah awk kan theih ti lo ah: Kan si fah zong ah kan I nuam kan ti. A si tak hnga maw hi hi???

Miphun party: Hmui tinh bik mi cu: Kan ram le Miphun dam nak le zalon nak caah asi. Kan Miphun, kan ram, kan nunphung, kan caholh, kan biak nak, dam nak / zalon nak / Zalen nak caah. Tluk ruan cikcek nak (Ngunsawm, Fimcawn nak, Ngan dam nak, Cozah rengsang ṭuan nak, Covo le Tinvo kip ah) caah.

Kawl Party le Kawl Cozah Kut tlaih Chin mi nih an ṭuan khawh lo mi cu: kan Miphun le Kan chinram dam nak le zalen nak hi asi. Covo, Tinvo le Ngun sawm tluk ruan nak cu an ti khawh hrim lo mi Ramkhel rian asi.

Kawl Party me pe ko: Kan khua ram a ṭhancho paoh ah aza ko. Dam kan herh loh; na ti ko ahcun Kawl party kha me pek mai ding. Ngawr bu le zawt bu in khuasa zong ah pawi hlah; Cancer kan ngeih ko bu zong ah; ṭhancho nak cu pei kan duh cu; Apoi loh na ti tham ah cun; Kawl party cu dirhkam law mee pek ko.

Miphun Party Vote cio ding: Kan ram le Miphun dam ve cang seh, tiah na ti ahcun Miphun party mee pek ko,Nai chirh be laa loh. Lai khal lungput: Kan sifak zong ah / san tlai lo te kan si zong ah kan ngan a dam poah ah cun; nan ti ton ko lo maw? Inn chung khar ah ngandam a biapi btk in Ramkhel zong ah kan Miphun le ram a dam hi; mirang nih; very very Important an ti mi nak in; a biapi deuh mi asi.

NLD Biakam a tlin Khawh lo nak: Tlangcung mi kan dam lo nak le kan zawt nak, dam ter nak caah si loin, Zual ter chin tu le zawt nak chaptu, hmarun chap tu, kan hmape ṭhim in coihtu, tbk asi caah asi. Tlangcung mi ngaihchiat lungkuai nak hnuchit le zeirello in Ramkhel rian le Cozah a ṭuan caah asi.

NLD le Kawl party me pek nak in kan ram le Miphun a dam khawh bal lai lo. Azual chin nak tu a si deuh leh lam tawn. Miphun party vote nak lawng in kan ram le Miphun a dam lai. NLD Cozah lutlai hna hi vawlei hram thawk in Kawlram uktu lak ah san tlai lo bik cazin a lut mi lawng te ansi. Pi Suh lawng rianṭuan mi asi. Adang cu “CIATO” lawng te an si.

Tulio Chin Cozah NLD, U Cia To nih an ṭuan khawh mi chin party palai hna nih kan ṭuan khawh lo ding pelte le piasen hmanh aum lo. Miphun Party a hmai thlak ding mi rian: Kan ram dam nak, zalon nak, Mah tein khuakhan lairel nak (Vancung btk leicung ah a pennak atlung kho nak hnga) & a tling deuh I a cungnung deuh mi Ṭhancho nak. Kam lo chuncha bang Miphun le ram caah dir uhsi law, Miphun party vote cio uh si!

Note: Caan ngeih mi le a huam mi lawng nih rel awk ah: tang ah fainter nak ka chiah.

Chin mipi nih NLD an duh nak a ruang bik hna cu: Infrastructure le Construction timi Lamsul, Innlo, Mei, Ti, Hlei, tbk Ṭhancho nak rian deuh hi an ṭuan mi asi. Hi vialte tlaih khih in Ngun sawm tawm pi he a ra mi cu Tender asi. Tulio chin Cozah a hmait hlak bik rian le papak rian zong Tender hi asi. Cu caah a cheu khat nih Tender Vuanci hna an tip ah ṭheu tawn hna.

Cinthlak Zuat khalh nak le pum pawcawm nak (Cangdolh, Dumhau, Ngazuat, Dumhau, Thingthei rampar cinthlak nak, Pawngkam zohkhen kilven nak, btk) caah pelte in an ṭuan khawh ve. Khuate le mi Pawcawm khim I cawm nak le sipuazi ṭhancho nak tiang in an hlut chuak khawh ve lo.

Credit timi Phaisa cuai nak cu a karh (Interest) tampi he, chamh can thla 6 caan pek in an cuai hna. Khuate lei nakin Khuapi um mi caw ek aaneh ballo pawl a co mi an tam deuh. A cinthlak tak tak mi le a zuat khal tak tak mi nih bawmh nak le phaisa cuai nak a hmuh co mi an tlawm ngai.

Khuapi kau ter dueh nak in Inn hmun ningcang loin chut le I lak (Cozah le mipi cheuhkhat karlak ah remhlo nak thlaici an tuh beh); Myo pek, Sizung pek, Siang Inn pek, Tender, tbk in Ṭhancho nak rian lawng an Ṭuan. Thil ti khawh ngai le cungnung bik ah an I ruah nak zong, hi hna pawl an khua ram an pek khawh hna caah asi deuh.

 444 total views,  1 views today

This function has been disabled for Chin 11 News.