Minung 51 Meithal In A Kap Tupa Cu A Nunchung Thongthlak Ding le Rianhar Bik Tuanter Dingin Bia An Ceih

Australia mi Brenton Tarrant Kum 29 pa nih 15 March 2019 ah New Zealand, Christchurch Mosque ah a lut i thlacam mi pawl cu meithal in a kah thluahmah hna. Thlacam mi 190 an um i a hmuh mi poh a kah cuahmah hna i minung 51 an thi.

Biakinn zong cu duah a timh nain an tleihmanh . Cuticun Muslim biakinn i a cawlcangh ning cu facebook ah live ina thlah i minung a thong tampi nih an zoh.

New Zealand High Court nih a kong cu an buaipi cuahmah lio a si i, ni 4 chung a kong cu felfai tein an ceih i, mithi chungkhar pawl cu Court chungah cun ngaihchia ngai in an tap hna.

Covid-19 ruangah micheu cu Court ah an kal kho lo i online in an rak zoh. Court i a bia an ceih lio ah cun nu pakhat Janna Ezat cu a dir i, a fapa Hussein Al -Umari cu Christchurch mosque i an kah nak ah a thi tiah a chim.

Janna Ezat nih a fapa thattu Brenton Tarrant cu a zoh i, Mr Tarrant , kan ngaih thiam tiah a ti. Huatnak le lehrulh nak thinlung ka nei lo tiah a chim.ka fapa Hussein cu a thi cang i, a rak kir kho than ding si ti lo. duhthim ding pakhat lawng ka nei cucu kan ngaihthiam tiah a chim.

Court chungah a um mipawl zong an khawruah a har dih. pa pakhat Farid Ahmad zong nih a ngaihthiam nak bia a chim i, na caah thla ka cam lai tiah a ti. Farid Ahmed i a nupi zong a kah i a thi mi ah a tel ve.

Brento Tarrant cu cu a kong an ceih mi ah cun a dam chung thongthlak ding le rianhar tuanter ding a si i, New Zealand ramchung ah chuak kho lo dingin a damchung thongtla hmasa bik a si lai tiah theih a si.

 111 total views,  1 views today

This function has been disabled for Chin 11 News.