Minthang Kylie Jenner le Travis Scott Hi An I Then Thai Ko Lai Maw

Kylie Jenner le Travis Scott hi an i then nain, thawng la tu pawl nih an chim ning ah cun an i duh duh peng rih ko tiah an chim. Hi hna pahnih hi nikum October thla ah an i then, An i then buin hmunkhat ah caan an hmang ti tawn i an fanu te hna hi nuamhnak hmun ah an kal pi tawn tiah an chim. Travis Scott hi Kylie Jenner nu le pa nih hin makpa zoh in, an i then hnu zong ah an zoh peng tiah an chim.

Hi hna pahnih an i then chung ah hin midang kawp an nei veve tiah an chim. Asinain hi hna pahnih hi an iphilh kho ngai ngai lo, an fan pawl nih hin i um than dingin  voi tampi an nawl hna ,  kan hnu lei caan zei mawzat liam tiangah cun an i fonh lo tiah theih a si.

Kylie Jenner nih hin i then thai lo ding le hmun khat i um than lai nak kong a chim.  report an tar ning ah cun hi hna pahnih hi an i duh tuk ko tiah an chim. An i then buah midang kawp an nei veve ko nain an pahnih kar lak hi, a chia hleilo tiah an chim. Hmunkhat ah an fanu te hi  nuamhnak tibantuk  ah an kal pi tawn i nuam ngai in caan an hmang  tawn tiah an chim.

Kum 2017 April thla khan biatak tein an i zul khal i, cu hlan an duh mi cu kal tak veve in, an i duh hlan ah hin duh mi dang veve an rak nei, Kie Jenner nih a chim ning ah cun kan i hawikomh nak le kan fanu te hi biapi tak tak ah kan chiah lai tiah a chim. hi ti an i then hi Kylie Janner nih cun  nuthlawi single mom  a nuamh nak kong cu a chim tiah theih a si.

Single mam  si i, a hawi le he hmunkhat i caan hman ti hi a nuam a ti ngaingai. A si nain an i then hi an pahnih caah thil tha lo ngai cu a si, asinain hi an i then hi hmailei ah thil thar tampi a cawnpiak hna i  a tha ve ko tiah a chim mi tampi an um tiah an ti . Hi hna pahnih hi an i fonh lai maw an then thai lai ti cu theih a si lo.

 128 total views,  1 views today

This function has been disabled for Chin 11 News.