Minta Zay Ye Htet Nih Chin Arfi Benjamin Sum Hlasak Mi Ngaihchia Le Zuntuar In A Chiah

Kawlram chung ah minthang ngai a si mi Minta Zay Ye Htet hi model dirhmun in minta puitling ah a dir kho ve cang mi a si i hibantuk in minta puitling a phak khawh nak hnga ding ah harsat nak le lungfah nak zong tampi a rak tong ve mi a si i cu vialte a lonh dih hnu ah Kawlram chung minta puitling pakhat dirhmun a phan ve cang mi a si.

A chuahkeh nak hmunhma a si ve lo mi Yangon Khuapi ah a um mi minta Zay Ye Htet cu harsat nak tampi le fapi in zuamnak a ngeih hnu ah dirhmun fek a ngei ve cang mi a si. Tuchun July 16 ah khan minta Zay Ye Htet cu Chin Arfi Benjamin Sum nih a sak mi “ton than ni” timi hla kha a rak post i a chuahkeh nak khua le ram a ngaih tuk nak kong zong a rak tial.

Cun minta Zay Ye Htet nih a tial chih mi cu “Zeitin dah kan chuahkeh nak hmunhma asi lo nak ah hin cun kan um huam hnga, asinan khuasak ding ah hmun kan khuar cang caah zeiti tha tiin kan um hi a si ko. Mi vialte nih chuahkeh nak hmunhma le khua ah cun kir kan duh dih cio ko. Kan duh dawt mi chungkhar hawikom le khuami pawl zunngaih hi a fak hringhran ko, zeitiang ah zunngaih nak hi kan tuar rih lai” tiin a facebook ah a rak tial hi a si.

Ka chuahkeh nak khua a si lo mi Yangon ah hin Business ruah ah hrambunh in ka um ko nain nikhat khat ah cun ka chuahkeh nak khua ah ka kir than hrim ko lai tiah zong a chim hi a si.

Source: Zay Ye Htet’s Facebook 

 170 total views,  1 views today

This function has been disabled for Chin 11 News.