Mino Tampi Thinphang Le Thlalau Buin AN Cawl Cuahmah, Kan ram Nih A Kan Herh Liote A Si!

Hawile hna, CDM caah fundraising kan tuah ciomi ahhin itel khawh izuam cio hram u! Pumpak in kan tuahmi a si ah, a buu in an tuahmi a si ah, nan siarem nak bik ahkhan pe cio ko u. Canada 🇨🇦 in volunteers in kan von mi zong ahhin tampi nih thazaang nan chuah i a tha tuk.

Ram chung lei ah Mino tampi, thinphang le thlalau buin an cawl cuahmah ko. Ralkap le police nih tlaih dingin an kawl cuahmah fawn hna tikah, zeitindah kan cawlcang lai timi ah an lung re a thei. Asinain an ngol lo. An tha a chia lo.

Cucaah, upa lungfim kan in ngeihmi hna nih biatak tein, ram chung le cawlcanghnak ahhin ruahnak ttha chuahpi cio ulaw a ttha tuk lai. Kan ton bal lomi, kan tuah bal lomi a si tikah, hnabei in cawlcangh cio a si. Fakpi in ruahnak chuahpi a herh lio caan a si. Abik in Zeitindah bawmh-chawnhnak hi kan tawlrel lai timi a biapi khun.

CDM movement ah aa telmi tampi nih zingzan an pawcawmnak ah harnak an tong. A chungkhar in aa bawmmi an um. Khrifabu in aa bawmmi an um. Cun, Ramleng lei fundraising tuahmi vialte hi CDM ah aa telmi caah a si colh.

Tuhi CDM movement hi a karh thluahmah. Ralkap Cozah hi kal kho lo dingin timhlamh a si. Cucaah, fakpi in kan izuam cio a herh. Myanmar Idol ca hmanh ah 100 kan thawh ahcun, Kawlram pi thlennak caah 200 tal chuah ding a si timi lungput he, kan ram nih a kan herh liote a si. Credit: Zasang Cinzah

CDM Caah Pek Na Duh Cun Hmet Top Ko!