Mino Hna Ramdang Ah An Zaam Cuahmah Mi Ni CNF/CDF Nih An Kham Nain An Kham Khp Lo, A Ruang Cu ……
Hitler Ral Sunghnak Le Mino (CDF) Ramdang Kalnak Kong Part (6)
Ramchung ramleng chin hruaitu upa vialte le Chin Mifimthiam vialte nih Raldoh caan asi caah Mino nih ramdang kal cu an phih.
An umnak ram Embassy poah ah Chin Mino hna cu Refugees caah cohlan lo dingin an chimh dih hna.
Refugees lakding asi ahcun Delhi le Malaysia ah kum 10 leng a hngak cangmi Chinmi lawng I lak siseh ti kha Chin Hruaitu hna I saduhthah cu asi.
CNF le CDF kip zong nih Mino hna nih ramdang an kal ahcun Raldoh awk kan um ti lai lo an ti caah an khap ve. An duh ve lo.
Aizawl ah Chin Dohthlennak caah fund kawl lio ah Dr. Lian Hmung Sakhong cu a ra ve.
Chin mino vialte ramdang kal hlah uh, Ramdang a kal ciami Chin mino vialte kir dih uh law, raldoh ve uh,
Ramdang ah aum cangmi Chin mino hna zong Chinram ah ra uhlaw, Ralhrang rak doh ve uh tiah Vawleipi hngalh in biatawi chimhnak a ngei. Soiselnak tampi he.
Chinram dawtu le Phuntungtu vialte nih CDF cu CNA ah I fonh dih uh ti asi nain a tak in asi khawh tilo.
CNA nih meithal le a herh mi an kan bawmh khawh lo tiah CDF le upa hruaitu nih an ti.
CNA bantukin tindan zong kan kai lo caah CNA ah um khawh ding kan si lo.
Sinak nih a tlinh lo caah CNA ah um cu kan duh lo tiah CDF lei nih an leh hna.
Ramchung le ramleng aummi Chin Mifimthiam vialte nih CNA ah um nan duh lo ahcun CNA Brigade le Battalion in um uh law, CNA hruainak le Command tang ah um uh tiah an ti hna tikah Ramdang um CDF upa hna telin CBCUSA hruaitu thar hna nih an duh ve tilo.
CNA command tangah CDF vialte um dih asi ahcun Mino tampi hi Malay ah an kal rih lai.
CNA ah CDF kan fumton khawh lomi le Chin Cozah kum hnih chung kan siam khawh lomi nih Mino tampi ramdang kalnak hi thazang apek ko.
MPs le NLD party nih hruaimi ICNCC nih Chin Cozah dirh awkah an ti nain an hlawhtlin tilo.
CJDC le ICNCC hruainak in Chin cozah dirh awk ah hmalak asinain Asikhawh ṭhan lo.
Cucaah CNF le CNF he a hawikom khawh dingmi MPs hna he tiah Chin cozah dirh awkah hmalak lio pi asi.
NUG nih cucu an cohlan ve. Zeidah kan lawh te hnga?
Kanram sipuazi le business an tla dih cikcek caah Kawl mino le tlangcungmi dang mino zong ramdang an kal tuk caah Mino nih ramdang kal hi a phung asi tiah an ruah cang.
Zawtnak rai, covid19 le Virus bantukin I chawnh bangin mino ramdang kal hi asi cang caah kan khamh khawh lai tihi ka zumh lem ti lo.
Kanram sipuazi an tla dih I Mipi harsatnak hi hmurka nih a chimh khawhnak pinlei ah asi. Rampi zawtnak asiko.
DASSK nih Nonviolence le Reconciliation Political Philosophy aa palh mi bangin Pauchuak Dohthlennak ah kan I palh ve mi cu CDM Theory hi asi.
Culakah aa palh bik mi cu Chinmi kan si. Chin CDMers hi 80% kan si lai ti asi.
Rampi ah mangṭam a tlung cang caah eidin tirawl an har tuk cang. Thaizing eiloin a thih dingmi kan tam tuk cang.
NUG nih CDMers cu an cawm khawh hna lo ṭuanvo zong an lak khawh hna lo.
Crd.. Joseph R. Thang
Leave a Reply