Minneapolis City Council Chungtel 12 Chung Ah Chungtel 9 Nih Police Hloh Dingin An Lungtling

Minneapolis City Council ahhin chungtel 12 an um i, mah chungtel 12 chung in chungtel 9 bak nih Minneapolis City nih a ngeihmi Police Department cu hloh dingin an thanh cang. Minneapolis khuabawi/Mayor Jacob Frey belte nihcun Palek Department hloh ngaingai cu a si kho lai lo a ti hna.

Police Department hloh a duhmi nih “Palek hna nih US ram khuapi hi an himter hlei ti lo timi hi a fiang tuk cang. Biatak tein remh kan itimhmi zong kan hlawh a tling hlei lo. A dih bak’ tiah an ti.

Chungtel 12 ah lak 9 duhnak cu a tam deuh tuk caah Minneapolis Khuapi Palek Department cu an hloh ko ne lai maw? Zeitindah a si te hnga. An hloh tak a si ahcun mizapi himnak/public safety hi zeitindah hma an von lak tthan hnga.

Catialtu: Zasang Cinzah

 118 total views,  1 views today

This function has been disabled for Chin 11 News.