Mindat Pawl Cu Hnu Ah Kir Awk Zong A Tha Ti Lomi Lam Ah An Kal Cang!

Mindat khuami hna an ralthatnak pin lei ah an temtuarnak le an ipekchannak a ngan taktak ve. Tar/nu/ngakchia hna cu an humhimnak caah an tlaihchan tukmi Mindat khua pin lei ah an kal ti asi. Ral he nangmah maw, keimah ti vun ikah tak cang ahcun zan ih hmanh a fawi lai lo.

Zeitlukin dah an lungre a theih lai. Abikin raltuknak kongkau ah video lawngin hmuh bal i a tak ah ton bal lomi nih a voikhatnak an ton asi tikah an caah a har khun lai. Sihmanhsehlaw thimnak lam dang an ngei ti lo. Cucaah thih ah thih, nung ah nung, pasal/nusal tiin Kawl ralkap cu lungrual tein hmunkhat ah an zuanhnawh hna i an kah hna.

Hnu ah kir awk zong a tha ti lomi lam ah an kal cang. Mi raltha Mindat khuami hna teinak an hmuh chin lengmang nakhnga kan bawmh khawh nak lam cio in bawm hna usih– phaisa bawmhnak in siseh, thlacam piaknak in siseh– a phunphun lam in bawm cio peng rih ko hna usih. Credit: Salai Z T Lian