Nihin Kahdohnak ah Mindat-CDF in Tlangval Pakhat nih a Nunnak a Pek! Nihin (July 22) ah Mindat-CDF le SAC ralhrang karlak kahdohnak pehzul in a um i, Mindat-CDF in kum 20 hrawng a simi tlangval pakhat nih ram le miphun ca ah an nunnak a pek.
Magwe ramtthen lei in a rak kaimi SAC ralhrang pawl le Mindat-CDF cu Shwe Aung Tha khua pawng ah an i kap i Mindat-CDF in tlangval pakhat a nunnak a liam hi a si.
Nizaan (July 21) zong ah Chin-Magwe ramri ah kahdohnak voi 2 a chuak i SAC ralhrang lei in minung 2 a thi, tiah theih a si. Mindat-CDF le SAC ralhrang karlak biaruahnak a rawh hnu ah kahdohnak a thar in a chuak tthan hi a si.
Mindat uknak lei upa pakhat nih, “Kanmah nih kan halmi hna le SAC ralhrang lei nih siter an duhmi hi aa ralkah tuk,” tiah nizaan ah a chim. July 21 ah SAC ralhrang nih Pakukko lei in thazaang tampi zong an chap i, Mindat he meng 18 a hlatnak Kyauhthuh vanlawng bual an i tthum hna.
Nihin zinglei zong ah Matupi lei in le Magwe ramtthen in SAC ralhrang pawl Mindat ah an rak pok. Atu tiang Mindat-CDF le SAC ralhrang karlak kahdohnak ah Mindat-CDF lei in minung 25 nih ram le miphun ca ah an nunnak an pek cang. # The Chin Journal
Leave a Reply